সূক্ত 49

49.1

৫ গাথিনো বিশ্বামিত্রঃ। ইন্দ্রঃ। ত্রিষ্টুপ্।

শংসা মহামিন্দ্রং যস্মিন্ বিশ্বা আ কৃষ্টয়ঃ সোমপাঃ কামমব্যন্ ।
যং সুক্রতুং ধিষণে বিভ্বতষ্টং ঘনং বৃত্রাণাং জনয়ন্ত দেবাঃ ॥১॥

49.2

যং নু নকিঃ পৃতনাসু স্বরাজং দ্বিতা তরতি নৃতমং হরিষ্ঠাম্ ।
ইনতমঃ সত্বভির্যো হ শূষৈঃ পৃথুজ্রয়া অমিনাদায়ুর্দস্যোঃ ॥২॥

49.3

সহাবা পৃত্সু তরণির্নার্বা ব্যানশী রোদসী মেহনাবান্ ।
ভগো ন কারে হব্যো মতীনাং পিতেব চারুঃ সুহবো বয়োধাঃ ॥৩॥

49.4

ধর্তা দিবো রজসস্পৃষ্ট ঊর্ধ্বো রথো ন বায়ুর্বসুভির্নিয়ুত্বান্ ।
ক্ষপাং বস্তা জনিতা সূর্যস্য বিভক্তা ভাগং ধিষণেব বাজম্ ॥৪॥

49.5

শুনং হুবেম মঘবানমিন্দ্রমস্মিন্ ভরে নৃতমং বাজসাতৌ ।
শৃণ্বন্তমুগ্রমূতয়ে সমত্সু ঘ্নন্তং বৃত্রাণি সংজিতং ধনানাম্ ॥৫॥