সূক্ত 48

48.1

৫ গাথিনো বিশ্বামিত্রঃ। ইন্দ্রঃ। ত্রিষ্টুপ্।

সদ্যো হ জাতো বৃষভঃ কনীনঃ প্রভর্তুমাবদন্ধসঃ সুতস্য ।
সাধোঃ পিব প্রতিকামং যথা তে রসাশিরঃ প্রথমং সোম্যস্য ॥১॥

48.2

যজ্জায়থাস্তদহরস্য কামেংঽশোঃ পীয়ূষমপিবো গিরিষ্ঠাম্ ।
তং তে মাতা পরি যোষা জনিত্রী মহঃ পিতুর্দম আসিঞ্চদগ্রে ॥২॥

48.3

উপস্থায় মাতরমন্নমৈট্ট তিগ্মমপশ্যদভি সোমমূধঃ ।
প্রয়াবয়ন্নচরদ্ গৃত্সো অন্যান্ মহানি চক্রে পুরুধপ্রতীকঃ ॥৩॥

48.4

উগ্রস্তুরাষালভিভূত্যোজা যথাবশং তন্বং চক্র এষঃ ।
ত্বষ্টারমিন্দ্রো জনুষাভিভূয়াঽঽমুষ্যা সোমমপিবচ্চমূষু ॥৪॥

48.5

শুনং হুবেম মঘবানমিন্দ্রমস্মিন্ ভরে নৃতমং বাজসাতৌ ।
শৃণ্বন্তমুগ্রমূতয়ে সমত্সু ঘ্নন্তং বৃত্রাণি সংজিতং ধনানাম্ ॥৫॥