সূক্ত 47

47.1

৫ গাথিনো বিশ্বামিত্রঃ। ইন্দ্রঃ। ত্রিষ্টুপ্।

মরুত্বাঁ ইন্দ্র বৃষভো রণায় পিবা সোমমনুষ্বধং মদায় ।
আ সিঞ্চস্ব জঠরে মধ্ব ঊর্মিং ত্বং রাজাসি প্রদিবঃ সুতানাম্ ॥১॥

47.2

সজোষা ইন্দ্র সগণো মরুদ্ভিঃ সোমং পিব বৃত্রহা শূর বিদ্বান্ ।
জহি শত্রূঁরপ মৃধো নুদস্বাথাভয়ং কৃণুহি বিশ্বতো নঃ ॥২॥

47.3

উত ঋতুভির্ঋতুপাঃ পাহি সোমমিন্দ্র দেবেভিঃ সখিভিঃ সুতং নঃ ।
যাঁ আভজো মরুতো যে ত্বান্বহন্ বৃত্রমদধুস্তুভ্যমোজঃ ॥৩॥

47.4

যে ত্বাহিহত্যে মঘবন্নবর্ধন্ যে শাম্বরে হরিবো যে গবিষ্টৌ ।
যে ত্বা নূনমনুমদন্তি বিপ্রাঃ পিবেন্দ্র সোমং সগণো মরুদ্ভিঃ ॥৪॥

47.5

মরুত্বন্তং বৃষভং বাবৃধানমকবারিং দিব্যং শাসমিন্দ্রম্ ।
বিশ্বাসাহমবসে নূতনায়োগ্রং সহোদামিহ তং হুবেম ॥৫॥