সূক্ত 37

37.1

১১ গাথিনো বিশ্বামিত্রঃ। ইন্দ্রঃ।গায়ত্রী, ১১ ত্রিষ্টুপ্ ।

বার্ত্রহত্যায় শবসে পৃতনাষাহ্যায় চ । ইন্দ্র ত্বা বর্তয়ামসি ॥১॥

37.2

অর্বাচীনং সু তে মন উত চক্ষুঃ শতক্রতো । ইন্দ্র কৃণ্বন্তু বাঘতঃ ॥২॥

37.3

নামানি তে শতক্রতো বিশ্বাভির্গীর্ভিরীমহে । ইন্দ্রাভিমাতিষাহ্যে ॥৩॥

37.4

পুরুষ্টুতস্য ধামভিঃ শতেন মহয়ামসি । ইন্দ্রস্য চর্ষণীধৃতঃ ॥৪॥

37.5

ইন্দ্রং বৃত্রায় হন্তবে পুরুহূতমুপ ব্রুবে । ভরেষু বাজসাতয়ে ॥৫॥

37.6

বাজেষু সাসহির্ভব ত্বামীমহে শতক্রতো । ইন্দ্র বৃত্রায় হন্তবে ॥৬॥

37.7

দ্যুম্নেষু পৃতনাজ্যে পৃত্সুতূর্ষু শ্রবস্সু চ । ইন্দ্র সাক্ষ্বাভিমাতিষু ॥৭॥

37.8

শুষ্মিন্তমং ন ঊতয়ে দ্যুম্নিনং পাহি জাগৃবিম্ । ইন্দ্র সোমং শতক্রতো ॥৮॥

37.9

ইন্দ্রিয়াণি শতক্রতো যা তে জনেষু পঞ্চসু । ইন্দ্র তানি ত আ বৃণে ॥৯॥

37.10

অগন্নিন্দ্র শ্রবো বৃহদ্ দ্যুম্নং দধিষ্ব দুষ্টরম্ । উৎ তে শুষ্মং তিরামসি ॥১০॥

37.11

অর্বাবতো ন আ গহ্যথো শক্র পরাবতঃ ।
উ লোকো যস্তে অদ্রিব ইন্দ্রেহ তত আ গহি ॥১১॥