সূক্ত 22

22.1

৫ গাথী কৌশিকঃ। অগ্নিঃ, ৪ পুরীষ্যা অগ্নয়ঃ । ত্রিষ্টুপ্, ৪ অনুষ্টুপ্।

অয়ং সো অগ্নির্যস্মিন্ ত্সোমমিন্দ্রঃ সুতং দধে জঠরে বাবশানঃ ।
সহস্রিণং বাজমত্যং ন সপ্তিং সসবান্ ত্সন্ ত্স্তূয়সে জাতবেদঃ ॥১॥

22.2

অগ্নে যৎ তে দিবি বর্চঃ পৃথিব্যাং যদোষধীষ্বপ্স্বা যজত্র ।
যেনান্তরিক্ষমুর্বাততন্থ ত্বেষঃ স ভানুরর্ণবো নৃচক্ষাঃ ॥২॥

22.3

অগ্নে দিবো অর্ণমচ্ছা জিগাস্যচ্ছা দেবাঁ ঊচিষে ধিষ্ণ্যা যে ।
যা রোচনে পরস্তাৎ সূর্যস্য যাশ্চাবস্তাদুপতিষ্ঠন্ত আপঃ ॥৩॥

22.4

পুরীষ্যাসো অগ্নয়ঃ প্রাবণেভিঃ সজোষসঃ ।
জুষন্তাং যজ্ঞমদ্রুহোঽনমীবা ইষো মহীঃ ॥৪॥

22.5

ইলামগ্নে পুরুদংসং সনিং গোঃ শশ্বত্তমং হবমানায় সাধ ।
স্যান্নঃ সূনুস্তনয়ো বিজাবা ঽগ্নে সা তে সুমতির্ভূত্বস্মে ॥৫॥