সূক্ত 23

23.1

৫ দেবশ্রবা দেববাতশ্চ ভারতৌ। অগ্নিঃ।ত্রিষ্টুপ্, ৩ সতোবৃহতী।

নির্মথিতঃ সুধিত আ সধস্থে যুবা কবিরধ্বরস্য প্রণেতা ।
জূর্যত্স্বগ্নিরজরো বনেষ্বত্রা দধে অমৃতং জাতবেদাঃ ॥১॥

23.2

অমন্থিষ্টাং ভারতা রেবদগ্নিং দেবশ্রবা দেববাতঃ সুদক্ষম্ ।
অগ্নে বি পশ্য বৃহতাভি রায়েষাং নো নেতা ভবতাদনু দ্যূন্ ॥২॥

23.3

দশ ক্ষিপঃ পূর্ব্যং সীমজীজনন্ ত্সুজাতং মাতৃষু প্রিয়ম্ ।
অগ্নিং স্তুহি দৈববাতং দেবশ্রবো যো জনানামসদ্ বশী ॥৩॥

23.4

নি ত্বা দধে বর আ পৃথিব্যা ইলায়াস্পদে সুদিনত্বে অহ্নাম্ ।
দৃষদ্বত্যাং মানুষ আপয়ায়াং সরস্বত্যাং রেবদগ্নে দিদীহি ॥৪॥

23.5

ইলামগ্নে পুরুদংসং সনিং গোঃ শশ্বত্তমং হবমানায় সাধ ।
স্যান্নঃ সূনুস্তনয়ো বিজাবাগ্নে সা তে সুমতির্ভূত্বস্মে ॥৫॥