সূক্ত 19

19.1

৫ গাথী কৌশিকঃ। অগ্নিঃ। ত্রিষ্টুপ্।

অগ্নিং হোতারং প্র বৃণে মিয়েধে গৃত্সং কবিং বিশ্ববিদমমূরম্ ।
স নো যক্ষদ্ দেবতাতা যজীয়ান্ রায়ে বাজায় বনতে মঘানি ॥১॥

19.2

প্র তে অগ্নে হবিষ্মতীমিয়র্ম্যচ্ছা সুদ্যুম্নাং রাতিনীং ঘৃতাচীম্ ।
প্রদক্ষিণিদ্ দেবতাতিমুরাণঃ সং রাতিভির্বসুভির্যজ্ঞমশ্রেৎ ॥২॥

19.3

স তেজীয়সা মনসা ত্বোত উত শিক্ষ স্বপত্যস্য শিক্ষোঃ ।
অগ্নে রায়ো নৃতমস্য প্রভূতৌ ভূয়াম তে সুষ্টুতয়শ্চ বস্বঃ ॥৩॥

19.4

ভূরীণি হি ত্বে দধিরে অনীকা ঽগ্নে দেবস্য যজ্যবো জনাসঃ ।
স আ বহ দেবতাতিং যবিষ্ঠ শর্ধো যদদ্য দিব্যং যজাসি ॥৪॥

19.5

যৎ ত্বা হোতারমনজন্ মিয়েধে নিষাদয়ন্তো যজথায় দেবাঃ ।
স ত্বং নো অগ্নেঽবিতেহ বোধ্যধি শ্রবাংসি ধেহি নস্তনূষু ॥৫॥