সূক্ত 18

18.1

৫ কতো বৈশ্বামিত্রঃ। অগ্নিঃ। ত্রিষ্টুপ্।

ভবা নো অগ্নে সুমনা উপেতৌ সখেব সখ্যে পিতরেব সাধুঃ ।
পুরুদ্রুহো হি ক্ষিতয়ো জনানাং প্রতি প্রতীচীর্দহতাদরাতীঃ ॥১॥

18.2

তপো ষ্বগ্নে অন্তরাঁ অমিত্রান্ তপা শংসমররুষঃ পরস্য ।
তপো বসো চিকিতানো অচিত্তান্ বি তে তিষ্ঠন্তামজরা অয়াসঃ ॥২॥

18.3

ইধ্মেনাগ্ন ইচ্ছমানো ঘৃতেন জুহোমি হব্যং তরসে বলায় ।
যাবদীশে ব্রহ্মণা বন্দমান ইমাং ধিয়ং শতসেয়ায় দেবীম্ ॥৩॥

18.4

উচ্ছোচিষা সহসস্পুত্র স্তুতো বৃহদ্ বয়ঃ শশমানেষু ধেহি ।
রেবদগ্নে বিশ্বামিত্রেষু শং যোর্মর্মৃজ্মা তে তন্বং১ ভূরি কৃত্বঃ ॥৪॥

18.5

কৃধি রত্নং সুসনিতর্ধনানাং স ঘেদগ্নে ভবসি যৎ সমিদ্ধঃ ।
স্তোতুর্দুরোণে সুভগস্য রেবৎ সৃপ্রা করস্না দধিষে বপূংষি ॥৫॥