সূক্ত 17

17.1

৫ কতো বৈশ্বামিত্রঃ। অগ্নিঃ। ত্রিষ্টুপ্।

সমিধ্যমানঃ প্রথমানু ধর্মা সমক্তুভিরজ্যতে বিশ্ববারঃ ।
শোচিষ্কেশো ঘৃতনির্ণিক্ পাবকঃ সুয়জ্ঞো অগ্নির্যজথায় দেবান্ ॥১॥

17.2

যথায়জো হোত্রমগ্নে পৃথিব্যা যথা দিবো জাতবেদশ্চিকিত্বান্ ।
এবানেন হবিষা যক্ষি দেবান্ মনুষ্বদ্ যজ্ঞং প্র তিরেমমদ্য ॥২॥

17.3

ত্রীণ্যায়ূংষি তব জাতবেদস্তিস্র আজানীরুষসস্তে অগ্নে ।
তাভির্দেবানামবো যক্ষি বিদ্বানথা ভব যজমানায় শং যোঃ ॥৩॥

17.4

অগ্নিং সুদীতিং সুদৃশং গৃণন্তো নমস্যামস্ত্বেড্যং জাতবেদঃ ।
ত্বাং দূতমরতিং হব্যবাহং দেবা অকৃণ্বন্নমৃতস্য নাভিম্ ॥৪॥

17.5

যস্ত্বদ্ধোতা পূর্বো অগ্নে যজীয়ান্ দ্বিতা চ সত্তা স্বধয়া চ শম্ভুঃ ।
তস্যানু ধর্ম প্র যজা চিকিত্বোঽথ নো ধা অধ্বরং দেববীতৌ ॥৫॥