সূক্ত 16

16.1

৬ কাত্য উত্কীলঃ। অগ্নিঃ। প্রগাথঃ(১, ৩, ৫ বৃহতী, ২, ৪, ৬ সতো বৃহতী)।

অয়মগ্নিঃ সুবীর্যস্যেশে মহঃ সৌভগস্য ।
রায় ঈশে স্বপত্যস্য গোমত ঈশে বৃত্রহথানাম্ ॥১॥

16.2

ইমং নরো মরুতঃ সশ্চতা বৃধং যস্মিন্ রায়ঃ শেবৃধাসঃ ।
অভি যে সন্তি পৃতনাসু দূঢ্যো বিশ্বাহা শত্রুমাদভুঃ ॥২॥

16.3

স ত্বং নো রায়ঃ শিশীহি মীঢ্বো অগ্নে সুবীর্যস্য ।
তুবিদ্যুম্ন বর্ষিষ্ঠস্য প্রজাবতোঽনমীবস্য শুষ্মিণঃ ॥৩॥

16.4

চক্রির্যো বিশ্বা ভুবনাভি সাসহিশ্চক্রির্দেবেষ্বা দুবঃ ।
আ দেবেষু যতত আ সুবীর্য আ শংস উত নৃণাম্ ॥৪॥

16.5

মা নো অগ্নেঽমতয়ে মাবীরতায়ৈ রীরধঃ ।
মাগোতায়ৈ সহসস্পুত্র মা নিদেঽপ দ্বেষাংস্যা কৃধি ॥৫॥

16.6

শগ্ধি বাজস্য সুভগ প্রজাবতোঽগ্নে বৃহতো অধ্বরে ।
সং রায়া ভূয়সা সৃজ ময়োভুনা তুবিদ্যুম্ন যশস্বতা ॥৬॥