Sukta 16

16.1

6 katya utkilah, agnih, pragathah(1, 3, 5 brihati, 2, 4, 6 sato brihati)

अ॒यम॒ग्निः सु॒वीर्य॒स्येशे॑ म॒हः सौभ॑गस्य ।
रा॒य ई॑शे स्वप॒त्यस्य॒ गोम॑त॒ ईशे॑ वृत्र॒हथा॑नाम् ॥१॥

Ayamagnih suviryasyeshe mahah saubhagasya
Raya ishe svapatyasya gomata ishe vritrahathanam

16.2

इ॒मं न॑रो मरुतः सश्चता॒ वृधं॒ यस्मि॒न् राय॒ः शेवृ॑धासः ।
अ॒भि ये सन्ति॒ पृत॑नासु दू॒ढ्यो॑ वि॒श्वाहा॒ शत्रु॑माद॒भुः ॥२॥

Imam naro marutah sashchata vridham yasmin rayah shevridhasah
Abhi ye santi pritanasu dudhyo vishvaha shatrumadabhuh

16.3

स त्वं नो॑ रा॒यः शि॑शीहि॒ मीढ्वो॑ अग्ने सु॒वीर्य॑स्य ।
तुवि॑द्युम्न॒ वर्षि॑ष्ठस्य प्र॒जाव॑तोऽनमी॒वस्य॑ शु॒ष्मिण॑ः ॥३॥

Sa tvam no rayah shishihi midhvo agne suviryasya
Tuvidyumna varshishthasya prajavatonamivasya shushminah

16.4

चक्रि॒र्यो विश्वा॒ भुव॑ना॒भि सा॑स॒हिश्चक्रि॑र्दे॒वेष्वा दुव॑ः ।
आ दे॒वेषु॒ यत॑त॒ आ सु॒वीर्य॒ आ शंस॑ उ॒त नृ॒णाम् ॥४॥

Chakriryo vishva bhuvanabhi sasahishchakrirdeveshva duvah
A deveshu yatata a suvirya a shansa uta nrinam

16.5

मा नो॑ अ॒ग्नेऽम॑तये॒ मावीर॑तायै रीरधः ।
मागोता॑यै सहसस्पुत्र॒ मा नि॒देऽप॒ द्वेषां॒स्या कृ॑धि ॥५॥

Ma no agnemataye maviratayai riradhah
Magotayai sahasasputra ma nidepa dveshansya kridhi

16.6

श॒ग्धि वाज॑स्य सुभग प्र॒जाव॒तोऽग्ने॑ बृह॒तो अ॑ध्व॒रे ।
सं रा॒या भूय॑सा सृज मयो॒भुना॒ तुवि॑द्युम्न॒ यश॑स्वता ॥६॥

Shagdhi vajasya subhaga prajavatogne brihato adhvare
Sam raya bhuyasa srija mayobhuna tuvidyumna yashasvata