সূক্ত 20

20.1

৫ গাথী কৌশিকঃ। অগ্নিঃ, ১, ৫ বিশ্বে দেবাঃ। ত্রিষ্টুপ্।

অগ্নিমুষসমশ্বিনা দধিক্রাং ব্যুষ্টিষু হবতে বহ্নিরুক্থৈঃ ।
সুজ্যোতিষো নঃ শৃণ্বন্তু দেবাঃ সজোষসো অধ্বরং বাবশানাঃ ॥১॥

20.2

অগ্নে ত্রী তে বাজিনা ত্রী ষধস্থা তিস্রস্তে জিহ্বা ঋতজাত পূর্বীঃ ।
তিস্র উ তে তন্বো দেববাতাস্তাভির্নঃ পাহি গিরো অপ্রয়ুচ্ছন্ ॥২॥

20.3

অগ্নে ভূরীণি তব জাতবেদো দেব স্বধাবোঽমৃতস্য নাম ।
যাশ্চ মায়া মায়িনাং বিশ্বমিন্ব ত্বে পূর্বীঃ সংদধুঃ পৃষ্টবন্ধো ॥৩॥

20.4

অগ্নির্নেতা ভগ ইব ক্ষিতীনাং দৈবীনাং দেব ঋতুপা ঋতাবা ।
স বৃত্রহা সনয়ো বিশ্ববেদাঃ পর্ষদ্ বিশ্বাতি দুরিতা গৃণন্তম্ ॥৪॥

20.5

দধিক্রামগ্নিমুষসং চ দেবীং বৃহস্পতিং সবিতারং চ দেবম্ ।
অশ্বিনা মিত্রাবরুণা ভগং চ বসূন্ রুদ্রাঁ আদিত্যাঁ ইহ হুবে ॥৫॥