Sukta 19

19.1

5 gathi kaushikah, agnih, trishtup

अ॒ग्निं होता॑रं॒ प्र वृ॑णे मि॒येधे॒ गृत्सं॑ क॒विं वि॑श्व॒विद॒ममू॑रम् ।
स नो॑ यक्षद् दे॒वता॑ता॒ यजी॑यान् रा॒ये वाजा॑य वनते म॒घानि॑ ॥१॥

Agnim hotaram pra vrine miyedhe gritsam kavim vishvavidamamuram
Sa no yakshad devatata yajiyan raye vajaya vanate maghani

प्र ते॑ अग्ने ह॒विष्म॑तीमिय॒र्म्यच्छा॑ सुद्यु॒म्नां रा॒तिनीं॑ घृ॒ताची॑म् ।
प्र॒द॒क्षि॒णिद् दे॒वता॑तिमुरा॒णः सं रा॒तिभि॒र्वसु॑भिर्य॒ज्ञम॑श्रेत् ॥२॥

Pra te agne havishmatimiyarmyachchha sudyumnam ratinim ghritachim
Pradakshinid devatatimuranah sam ratibhirvasubhiryagyamashret

स तेजी॑यसा॒ मन॑सा॒ त्वोत॑ उ॒त शि॑क्ष स्वप॒त्यस्य॑ शि॒क्षोः ।
अग्ने॑ रा॒यो नृत॑मस्य॒ प्रभू॑तौ भू॒याम॑ ते सुष्टु॒तय॑श्च॒ वस्व॑ः ॥३॥

Sa tejiyasa manasa tvota uta shiksha svapatyasya shikshoh
Agne rayo nritamasya prabhutau bhuyama te sushtutayashcha vasvah

भूरी॑णि॒ हि त्वे द॑धि॒रे अनी॒का ऽग्ने॑ दे॒वस्य॒ यज्य॑वो॒ जना॑सः ।
स आ व॑ह दे॒वता॑तिं यविष्ठ॒ शर्धो॒ यद॒द्य दि॒व्यं यजा॑सि ॥४॥

Bhurini hi tve dadhire anika gne devasya yajyavo janasah
Sa a vaha devatatim yavishtha shardho yadadya divyam yajasi

यत् त्वा॒ होता॑रम॒नज॑न् मि॒येधे॑ निषा॒दय॑न्तो य॒जथा॑य दे॒वाः ।
स त्वं नो॑ अग्नेऽवि॒तेह बो॒ध्यधि॒ श्रवां॑सि धेहि नस्त॒नूषु॑ ॥५॥

Yat tva hotaramanajan miyedhe nishadayanto yajathaya devah
Sa tvam no agneviteha bodhyadhi shravansi dhehi nastanushu