সূক্ত 40

40.1

৬ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। সোমাপূষণৌ, ৬(অন্ত্যার্ধর্চস্য) অদিতিঃ। ত্রিষ্টুপ্।

সোমাপূষণা জননা রয়ীণাং জননা দিবো জননা পৃথিব্যাঃ ।
জাতৌ বিশ্বস্য ভুবনস্য গোপৌ দেবা অকৃণ্বন্নমৃতস্য নাভিম্ ॥১॥

40.2

ইমৌ দেবৌ জায়মানৌ জুষন্তেমৌ তমাংসি গূহতামজুষ্টা ।
আভ্যামিন্দ্রঃ পক্বমামাস্বন্তঃ সোমাপূষভ্যাং জনদুস্রিয়াসু ॥২॥

40.3

সোমাপূষণা রজসো বিমানং সপ্তচক্রং রথমবিশ্বমিন্বম্ ।
বিষূবৃতং মনসা যুজ্যমানং তং জিন্বথো বৃষণা পঞ্চরশ্মিম্ ॥৩॥

40.4

দিব্য১ন্যঃ সদনং চক্র উচ্চা পৃথিব্যামন্যো অধ্যন্তরিক্ষে ।
তাবস্মভ্যং পুরুবারং পুরুক্ষুং রায়স্পোষং বি ষ্যতাং নাভিমস্মে ॥৪॥

40.5

বিশ্বান্যন্যো ভুবনা জজান বিশ্বমন্যো অভিচক্ষাণ এতি ।
সোমাপূষণাববতং ধিয়ং মে যুবাভ্যাং বিশ্বাঃ পৃতনা জয়েম ॥৫॥

40.6

ধিয়ং পূষা জিন্বতু বিশ্বমিন্বো রয়িং সোমো রয়িপতির্দধাতু ।
অবতু দেব্যদিতিরনর্বা বৃহদ্ বদেম বিদথে সুবীরাঃ ॥৬॥