সূক্ত 39

39.1

৮ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। অশ্বিনৌ। ত্রিষ্টুপ্।

গ্রাবাণেব তদিদর্থং জরেথে গৃধ্রেব বৃক্ষং নিধিমন্তমচ্ছ ।
ব্রহ্মাণেব বিদথ উক্থশাসা দূতেব হব্যা জন্যা পুরুত্রা ॥১॥

39.2

প্রাতর্যাবাণা রথ্যেব বীরা ঽজেব যমা বরমা সচেথে ।
মেনে ইব তন্বা৩ শুম্ভমানে দম্পতীব ক্রতুবিদা জনেষু ॥২॥

39.3

শৃঙ্গেব নঃ প্রথমা গন্তমর্বাক্ ছফাবিব জর্ভুরাণা তরোভিঃ ।
চক্রবাকেব প্রতি বস্তোরুস্রা ঽর্বাঞ্চা যাতং রথ্যেব শক্রা ॥৩॥

39.4

নাবেব নঃ পারয়তং যুগেব নভ্যেব ন উপধীব প্রধীব ।
শ্বানেব নো অরিষণ্যা তনূনাং খৃগলেব বিস্রসঃ পাতমস্মান্ ॥৪॥

39.5

বাতেবাজুর্যা নদ্যেব রীতিরক্ষী ইব চক্ষুষা যাতমর্বাক্ ।
হস্তাবিব তন্বে৩ শম্ভবিষ্ঠা পাদেব নো নয়তং বস্যো অচ্ছ ॥৫॥

39.6

ওষ্ঠাবিব মধ্বাস্নে বদন্তা স্তনাবিব পিপ্যতং জীবসে নঃ ।
নাসেব নস্তন্বো রক্ষিতারা কর্ণাবিব সুশ্রুতা ভূতমস্মে ॥৬॥

39.7

হস্তেব শক্তিমভি সংদদী নঃ ক্ষামেব নঃ সমজতং রজাংসি ।
ইমা গিরো অশ্বিনা যুষ্ময়ন্তীঃ ক্ষ্ণোত্রেণেব স্বধিতিং সং শিশীতম্ ॥৭॥

39.8

এতানি বামশ্বিনা বর্ধনানি ব্রহ্ম স্তোমং গৃত্সমদাসো অক্রন্ ।
তানি নরা জুজুষাণোপ যাতং বৃহদ্ বদেম বিদথে সুবীরাঃ ॥৮॥