সূক্ত 38

38.1

১১ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। সবিতা।ত্রিষ্টুপ্।

উদু ষ্য দেবঃ সবিতা সবায় শশ্বত্তমং তদপা বহ্নিরস্থাৎ ।
নূনং দেবেভ্যো বি হি ধাতি রত্নমথাভজদ্ বীতিহোত্রং স্বস্তৌ ॥১॥

বিশ্বস্য হি শ্রুষ্টয়ে দেব ঊর্ধ্বঃ প্র বাহবা পৃথুপাণিঃ সিসর্তি ।
আপশ্চিদস্য ব্রত আ নিমৃগ্রা অয়ং চিদ্ বাতো রমতে পরিজ্মন্ ॥২॥

আশুভিশ্চিদ্যান্ বি মুচাতি নূনমরীরমদতমানং চিদেতোঃ ।
অহ্যর্ষূণাং চিন্ন্যয়াঁ অবিষ্যামনু ব্রতং সবিতুর্মোক্যাগাৎ ॥৩॥

পুনঃ সমব্যদ্ বিততং বয়ন্তী মধ্যা কর্তোর্ন্যধাচ্ছক্ম ধীরঃ ।
উৎ সংহায়াস্থাদ্ ব্যৃ১তূঁরদর্ধররমতিঃ সবিতা দেব আগাৎ ॥৪॥

নানৌকাংসি দুর্যো বিশ্বমায়ুর্বি তিষ্ঠতে প্রভবঃ শোকো অগ্নেঃ ।
জ্যেষ্ঠং মাতা সূনবে ভাগমাধাদন্বস্য কেতমিষিতং সবিত্রা ॥৫॥

সমাববর্তি বিষ্ঠিতো জিগীষুর্বিশ্বেষাং কামশ্চরতামমাভূৎ ।
শশ্বাঁ অপো বিকৃতং হিত্ব্যাগাদনু ব্রতং সবিতুর্দৈব্যস্য ॥৬॥

ত্বয়া হিতমপ্যমপ্সু ভাগং ধন্বান্বা মৃগয়সো বি তস্থুঃ ।
বনানি বিভ্যো নকিরস্য তানি ব্রতা দেবস্য সবিতুর্মিনন্তি ॥৭॥

যাদ্রাধ্যং১ বরুণো যোনিমপ্যমনিশিতং নিমিষি জর্ভুরাণঃ ।
বিশ্বো মার্তাণ্ডো ব্রজমা পশুর্গাত্স্থ স্থশো জন্মানি সবিতা ব্যাকঃ ॥৮॥

ন যস্যেন্দ্রো বরুণো ন মিত্রো ব্রতমর্যমা ন মিনন্তি রুদ্রঃ ।
নারাতয়স্তমিদং স্বস্তি হুবে দেবং সবিতারং নমোভিঃ ॥৯॥

ভগং ধিয়ং বাজয়ন্তঃ পুরংধিং নরাশংসো গ্নাস্পতির্নো অব্যাঃ ।
আয়ে বামস্য সংগথে রয়ীণাং প্রিয়া দেবস্য সবিতুঃ স্যাম ॥১০॥

অস্মভ্যং তদ্ দিবো অদ্ভ্যঃ পৃথিব্যাস্ত্বয়া দত্তং কাম্যং রাধ আ গাৎ ।
শং যৎ স্তোতৃভ্য আপয়ে ভবাত্যুরুশংসায় সবিতর্জরিত্রে ॥১১॥