সূক্ত 36

36.1

৬ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। ঋতুদেবতাঃ- ১ ইন্দ্রো মধুশ্চ, ২মরুতো মাধবশ্চ, ৩ ত্বষ্টা শুক্রশ্চ, ৪ অগ্নিঃ শচিশ্চ, ৫ ইন্দ্রো নভশ্চ, ৬ মিত্রাবরুণৌ নভস্যশ্চ। জগতী।

তুভ্যং হিন্বানো বসিষ্ট গা অপো ঽধুক্ষন্ ত্সীমবিভিরদ্রিভির্নরঃ ।
পিবেন্দ্র স্বাহা প্রহুতং বষট্কৃতং হোত্রাদা সোমং প্রথমো য ঈশিষে ॥১॥

36.2

যজ্ঞৈঃ সম্মিশ্লাঃ পৃষতীভিৠষ্টিভির্যামঞ্ছুভ্রাসো অঞ্জিষু প্রিয়া উত ।
আসদ্যা বর্হির্ভরতস্য সূনবঃ পোত্রাদা সোমং পিবতা দিবো নরঃ ॥২॥

36.3

অমেব নঃ সুহবা আ হি গন্তন নি বর্হিষি সদতনা রণিষ্টন ।
অথা মন্দস্ব জুজুষাণো অন্ধসস্ত্বষ্টর্দেবেভির্জনিভিঃ সুমদ্গণঃ ॥৩॥

36.4

আ বক্ষি দেবাঁ ইহ বিপ্র যক্ষি চোশন্ হোতর্নি ষদা যোনিষু ত্রিষু ।
প্রতি বীহি প্রস্থিতং সোম্যং মধু পিবাগ্নীধ্রাৎ তব ভাগস্য তৃপ্ণুহি ॥৪॥

36.5

এষ স্য তে তন্বো নৃম্ণবর্ধনঃ সহ ওজঃ প্রদিবি বাহ্বোর্হিতঃ ।
তুভ্যং সুতো মঘবন্ তুভ্যমাভৃতস্ত্বমস্য ব্রাহ্মণাদা তৃপৎ পিব ॥৫॥

36.6

জুষেথাং যজ্ঞং বোধতং হবস্য মে সত্তো হোতা নিবিদঃ পূর্ব্যা অনু ।
অচ্ছা রাজানা নম এত্যাবৃতং প্রশাস্ত্রাদা পিবতং সোম্যং মধু ॥৬॥