সূক্ত 32

32.1

৮ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। ১ দ্যাবাপৃথিবী, ২-৩ ইন্দ্রস্ত্বষ্টা বা, ৪-৫ রাকা, ৬-৭ সিনীবালী, ৮ লিঙ্গোক্তাঃ। জগতী, ৬-৮ অনুষ্টুপ্।

অস্য মে দ্যাবাপৃথিবী ঋতায়তো ভূতমবিত্রী বচসঃ সিষাসতঃ ।
যয়োরায়ুঃ প্রতরং তে ইদং পুর উপস্তুতে বসূয়ুর্বাং মহো দধে ॥১॥

32.2

মা নো গুহ্যা রিপ আয়োরহন্ দভন্ মা ন আভ্যো রীরধো দুচ্ছুনাভ্যঃ ।
মা নো বি যৌঃ সখ্যা বিদ্ধি তস্য নঃ সুম্নায়তা মনসা তৎ ত্বেমহে ॥২॥

32.3

অহেলতা মনসা শ্রুষ্টিমা বহ দুহানাং ধেনুং পিপ্যুষীমসশ্চতম্ ।
পদ্যাভিরাশুং বচসা চ বাজিনং ত্বাং হিনোমি পুরুহূত বিশ্বহা ॥৩॥

32.4

রাকামহং সুহবাং সুষ্টুতী হুবে শৃণোতু নঃ সুভগা বোধতু ত্মনা ।
সীব্যত্বপঃ সূচ্যাচ্ছিদ্যমানয়া দদাতু বীরং শতদায়মুক্থ্যম্ ॥৪॥

32.5

যাস্তে রাকে সুমতয়ঃ সুপেশসো যাভির্দদাসি দাশুষে বসূনি ।
তাভির্নো অদ্য সুমনা উপাগহি সহস্রপোষং সুভগে ররাণা ॥৫॥

32.6

সিনীবালি পৃথুষ্টুকে যা দেবানামসি স্বসা ।
জুষস্ব হব্যমাহুতং প্রজাং দেবি দিদিড্ঢি নঃ ॥৬॥

32.7

যা সুবাহুঃ স্বঙ্গুরিঃ সুষূমা বহুসূবরী ।
তস্যৈ বিশ্পত্ন্যৈ হবিঃ সিনীবাল্যৈ জুহোতন ॥৭॥

32.8

যা গুঙ্গূর্যা সিনীবালী যা রাকা যা সরস্বতী ।
ইন্দ্রাণীমহ্ব ঊতয়ে বরুণানীং স্বস্তয়ে ॥৮॥