সূক্ত 29

29.1

৭ কূর্মো গার্ত্সমদো, গৃত্সমদো বা। বিশ্বেদেবাঃ। ত্রিষ্টুপ্।

ধৃতব্রতা আদিত্যা ইষিরা আরে মৎ কর্ত রহসূরিবাগঃ ।
শৃণ্বতো বো বরুণ মিত্র দেবা ভদ্রস্য বিদ্বাঁ অবসে হুবে বঃ ॥১॥

যূয়ং দেবাঃ প্রমতির্যূয়মোজো যূয়ং দ্বেষাংসি সনুতর্যুয়োত ।
অভিক্ষত্তারো অভি চ ক্ষমধ্বমদ্যা চ নো মৃলয়তাপরং চ ॥২॥

কিমূ নু বঃ কৃণবামাপরেণ কিং সনেন বসব আপ্যেন ।
যূয়ং নো মিত্রাবরুণাদিতে চ স্বস্তিমিন্দ্রামরুতো দধাত ॥৩॥

হয়ে দেবা যূয়মিদাপয়ঃ স্থ তে মৃলত নাধমানায় মহ্যম্ ।
মা বো রথো মধ্যমবালৃতে ভূন্মা যুষ্মাবত্স্বাপিষু শ্রমিষ্ম ॥৪॥

প্র ব একো মিময় ভূর্যাগো যন্মা পিতেব কিতবং শশাস ।
আরে পাশা আরে অঘানি দেবা মা মাধি পুত্রে বিমিব গ্রভীষ্ট ॥৫॥

অর্বাঞ্চো অদ্যা ভবতা যজত্রা আ বো হার্দি ভয়মানো ব্যয়েয়ম্ ।
ত্রাধ্বং নো দেবা নিজুরো বৃকস্য ত্রাধ্বং কর্তাদবপদো যজত্রাঃ ॥৬॥

মাহং মঘোনো বরুণ প্রিয়স্য ভূরিদাব্ন আ বিদং শূনমাপেঃ ।
মা রায়ো রাজন্ ত্সুয়মাদব স্থাং বৃহদ্ বদেম বিদথে সুবীরাঃ ॥৭॥