সূক্ত 15

15.1

১০ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। ইন্দ্রঃ। ত্রিষ্টুপ্।

প্র ঘা ন্বস্য মহতো মহানি সত্যা সত্যস্য করণানি বোচম্ ।
ত্রিকদ্রুকেষ্বপিবৎ সুতস্যাস্য মদে অহিমিন্দ্রো জঘান ॥১॥

15.2

অবংশে দ্যামস্তভায়দ্ বৃহন্তমা রোদসী অপৃণদন্তরিক্ষম্ ।
স ধারয়ৎ পৃথিবীং পপ্রথচ্চ সোমস্য তা মদ ইন্দ্রশ্চকার ॥২॥

15.3

সদ্মেব প্রাচো বি মিমায় মানৈর্বজ্রেণ খান্যতৃণন্নদীনাম্ ।
বৃথাসৃজৎ পথিভির্দীর্ঘয়াথৈঃ সোমস্য তা মদ ইন্দ্রশ্চকার ॥৩॥

15.4

স প্রবোলহৃন্ পরিগত্যা দভীতের্বিশ্বমধাগায়ুধমিদ্ধে অগ্নৌ ।
সং গোভিরশ্বৈরসৃজদ্ রথেভিঃ সোমস্য তা মদ ইন্দ্রশ্চকার ॥৪॥

15.5

স ঈং মহীং ধুনিমেতোররম্ণাৎ সো অস্নাতৄনপারয়ৎ স্বস্তি ।
ত উত্স্নায় রয়িমভি প্র তস্থুঃ সোমস্য তা মদ ইন্দ্রশ্চকার ॥৫॥

15.6

সোদঞ্চং সিন্ধুমরিণান্মহিত্বা বজ্রেণান উষসঃ সং পিপেষ ।
অজবসো জবিনীভির্বিবৃশ্চন্ ত্সোমস্য তা মদ ইন্দ্রশ্চকার ॥৬॥

15.7

স বিদ্বাঁ অপগোহং কনীনামাবির্ভবন্নুদতিষ্ঠৎ পরাবৃক্ ।
প্রতি শ্রোণঃ স্থাদ্ব্য১নগচষ্ট সোমস্য তা মদ ইন্দ্রশ্চকার ॥৭॥

15.8

ভিনদ্ বলমঙ্গিরোভির্গৃণানো বি পর্বতস্য দৃংহিতান্যৈরৎ ।
রিণগ্রোধাংসি কৃত্রিমাণ্যেষাং সোমস্য তা মদ ইন্দ্রশ্চকার ॥৮॥

15.9

স্বপ্নেনাভ্যুপ্যা চুমুরিং ধুনিং চ জঘন্থ দস্যুং প্র দভীতিমাবঃ ।
রম্ভী চিদত্র বিবিদে হিরণ্যং সোমস্য তা মদ ইন্দ্রশ্চকার ॥৯॥

15.10

নূনং সা তে প্রতি বরং জরিত্রে দুহীয়দিন্দ্র দক্ষিণা মঘোনী ।
শিক্ষা স্তোতৃভ্যো মাতি ধগ্ভগো নো বৃহদ্ বদেম বিদথে সুবীরাঃ ॥১০॥