সূক্ত 94

94.1

১৪ অর্বুদঃ কাদ্রবেয়ঃ সর্পঃ। গ্রাবাণঃ। জগতী, ৫, ৭, ১৪ ত্রিষ্টুপ্।

প্রৈতে বদন্তু প্র বয়ং বদাম গ্রাবভ্যো বাচং বদতা বদদ্ভ্যঃ ।
যদদ্রয়ঃ পর্বতাঃ সাকমাশবঃ শ্লোকং ঘোষং ভরথেন্দ্রায় সোমিনঃ ॥১॥

এতে বদন্তি শতবত্সহস্রবদভি ক্রন্দন্তি হরিতেভিরাসভিঃ ।
বিষ্ট্বী গ্রাবাণঃ সুকৃতঃ সুকৃত্যয়া হোতুশ্চিত্পূর্বে হবিরদ্যমাশত ॥২॥

এতে বদন্ত্যবিদন্ননা মধু ন্যূঙ্খয়ন্তে অধি পক্ব আমিষি ।
বৃক্ষস্য শাখামরুণস্য বপ্সতস্তে সূভর্বা বৃষভাঃ প্রেমরাবিষুঃ ॥৩॥

বৃহদ্বদন্তি মদিরেণ মন্দিনেন্দ্রং ক্রোশন্তোঽবিদন্ননা মধু ।
সংরভ্যা ধীরাঃ স্বসৃভিরনর্তিষুরাঘোষয়ন্তঃ পৃথিবীমুপব্দিভিঃ ॥৪॥

সুপর্ণা বাচমক্রতোপ দ্যব্যাখরে কৃষ্ণা ইষিরা অনর্তিষুঃ ।
ন্য১ঙ্নি যন্ত্যুপরস্য নিষ্কৃতং পুরূ রেতো দধিরে সূর্যশ্বিতঃ ॥৫॥

উগ্রা ইব প্রবহন্তঃ সমায়মুঃ সাকং যুক্তা বৃষণো বিভ্রতো ধুরঃ ।
যচ্ছ্বসন্তো জগ্রসানা অরাবিষুঃ শৃণ্ব এষাং প্রোথথো অর্বতামিব ॥৬॥

দশাবনিভ্যো দশকক্ষ্যেভ্যো দশয়োক্ত্রেভ্যো দশয়োজনেভ্যঃ ।
দশাভীশুভ্যো অর্চতাজরেভ্যো দশ ধুরো দশ যুক্তা বহদ্ভ্যঃ ॥৭॥

তে অদ্রয়ো দশয়ন্ত্রাস আশবস্তেষামাধানং পর্যেতি হর্যতম্ ।
ত ঊ সুতস্য সোম্যস্যান্ধসোংঽশোঃ পীয়ূষং প্রথমস্য ভেজিরে ॥৮॥

তে সোমাদো হরী ইন্দ্রস্য নিংসতেংঽশুং দুহন্তো অধ্যাসতে গবি ।
তেভির্দুগ্ধং পপিবান্ত্সোম্যং মধ্বিন্দ্রো বর্ধতে প্রথতে বৃষায়তে ॥৯॥

বৃষা বো অংশুর্ন কিলা রিষাথনেলাবন্তঃ সদমিত্স্থনাশিতাঃ ।
রৈবত্যেব মহসা চারবঃ স্থন যস্য গ্রাবাণো অজুষধ্বমধ্বরম্ ॥১০॥

তৃদিলা অতৃদিলাসো অদ্রয়োঽশ্রমণা অশৃথিতা অমৃত্যবঃ ।
অনাতুরা অজরাঃ স্থামবিষ্ণবঃ সুপীবসো অতৃষিতা অতৃষ্ণজঃ ॥১১॥

ধ্রুবা এব বঃ পিতরো যুগেয়ুগে ক্ষেমকামাসঃ সদসো ন যুঞ্জতে ।
অজুর্যাসো হরিষাচো হরিদ্রব আ দ্যাং রবেণ পৃথিবীমশুশ্রবুঃ ॥১২॥

তদিদ্বদন্ত্যদ্রয়ো বিমোচনে যামন্নঞ্জস্পা ইব ঘেদুপব্দিভিঃ ।
বপন্তো বীজমিব ধান্যাকৃতঃ পৃঞ্চন্তি সোমং ন মিনন্তি বপ্সতঃ ॥১৩॥

সুতে অধ্বরে অধি বাচমক্রতা ঽঽক্রীলয়ো ন মাতরং তুদন্তঃ ।
বি ষূ মুঞ্চা সুষুবুষো মনীষাং বি বর্তন্তামদ্রয়শ্চায়মানাঃ ॥১৪॥