সূক্ত 93

93.1

১৫ তান্বঃ পার্থ্যঃ। বিশ্বেদেবাঃ। প্রস্তারপংক্তিঃ ২,৩,১৩ অনুষ্টুপ্ , ৯ অক্ষরৈঃ পংক্তিঃ, ১১ ন্যঙ্কুসারিণী, ১৫ পুরস্তাদ্বৃহতী ।

মহি দ্যাবাপৃথিবী ভূতমুর্বী নারী যহ্বী ন রোদসী সদং নঃ । তেভির্নঃ পাতং সহ্যস এভির্নঃ পাতং শূষণি ॥১॥

যজ্ঞেয়জ্ঞে স মর্ত্যো দেবান্ত্সপর্যতি । যঃ সুম্নৈর্দীর্ঘশ্রুত্তম আবিবাসত্যেনান্ ॥২॥

বিশ্বেষামিরজ্যবো দেবানাং বার্মহঃ । বিশ্বে হি বিশ্বমহসো বিশ্বে যজ্ঞেষু যজ্ঞিয়াঃ ॥৩॥

তে ঘা রাজানো অমৃতস্য মন্দ্রা অর্যমা মিত্রো বরুণঃ পরিজ্মা । কদ্রুদ্রো নৃণাং স্তুতো মরুতঃ পূষণো ভগঃ ॥৪॥

উত নো নক্তমপাং বৃষণ্বসূ সূর্যামাসা সদনায় সধন্যা । সচা যত্সাদ্যেষামহির্বুধ্নেষু বুধ্ন্যঃ ॥৫॥

উত নো দেবাবশ্বিনা শুভস্পতী ধামভির্মিত্রাবরুণা উরুষ্যতাম্ । মহঃ স রায় এষতেঽতি ধন্বেব দুরিতা ॥৬॥

উত নো রুদ্রা চিন্মৃলতামশ্বিনা বিশ্বে দেবাসো রথস্পতির্ভগঃ । ঋভুর্বাজ ঋভুক্ষণঃ পরিজ্মা বিশ্ববেদসঃ ॥৭॥

ঋভুৠভুক্ষা ঋভুর্বিধতো মদ আ তে হরী জূজুবানস্য বাজিনা । দুষ্টরং যস্য সাম চিদৃধগ্যজ্ঞো ন মানুষঃ ॥৮॥

কৃধী নো অহ্রয়ো দেব সবিতঃ স চ স্তুষে মঘোনাম্ ।
সহো ন ইন্দ্রো বহ্নিভির্ন্যেষাং চর্ষণীনাং চক্রং রশ্মিং ন যোয়ুবে ॥৯॥

ঐষু দ্যাবাপৃথিবী ধাতং মহদস্মে বীরেষু বিশ্বচর্ষণি শ্রবঃ । পৃক্ষং বাজস্য সাতয়ে পৃক্ষং রায়োত তুর্বণে ॥১০॥

এতং শংসমিন্দ্রাস্ময়ুষ্ট্বং কূচিত্সন্তং সহসাবন্নভিষ্টয়ে । সদা পাহ্যভিষ্টয়ে মেদতাং বেদতা বসো ॥১১॥

এতং মে স্তোমং তনা ন সূর্যে দ্যুতদ্যামানং বাবৃধন্ত নৃণাম্ । সংবননং নাশ্ব্যং তষ্টেবানপচ্যুতম্ ॥১২॥

বাবর্ত যেষাং রায়া যুক্তৈষাং হিরণ্যয়ী । নেমধিতা ন পৌংস্যা বৃথেব বিষ্টান্তা ॥১৩॥

প্র তদ্দুঃশীমে পৃথবানে বেনে প্র রামে বোচমসুরে মঘবত্সু । যে যুক্ত্বায় পঞ্চ শতাস্ময়ু পথা বিশ্রাব্যেষাম্ ॥১৪॥

অধীন্ন্বত্র সপ্ততিং চ সপ্ত চ । সদ্যো দিদিষ্ট তান্বঃ সদ্যো দিদিষ্ট পার্থ্যঃ সদ্যো দিদিষ্ট মায়বঃ ॥১৫॥