সূক্ত 78

78.1

৮ স্যূমরশ্মির্ভার্গবঃ। মরুতঃ। ত্রিষ্টুপ্ , ২,৫-৭ জগতী।

বিপ্রাসো ন মন্মভিঃ স্বাধ্যো দেবাব্যো৩ ন যজ্ঞৈঃ স্বপ্নসঃ ।
রাজানো ন চিত্রাঃ সুসংদৃশঃ ক্ষিতীনাং ন মর্যা অরেপসঃ ॥১॥

78.2

অগ্নির্ন যে ভ্রাজসা রুক্মবক্ষসো বাতাসো ন স্বয়ুজঃ সদ্যঊতয়ঃ ।
প্রজ্ঞাতারো ন জ্যেষ্ঠাঃ সুনীতয়ঃ সুশর্মাণো ন সোমা ঋতং যতে ॥২॥

78.3

বাতাসো ন যে ধুনয়ো জিগত্নবোঽগ্নীনাং ন জিহ্বা বিরোকিণঃ ।
বর্মণ্বন্তো ন যোধাঃ শিমীবন্তঃ পিতৄণাং ন শংসাঃ সুরাতয়ঃ ॥৩॥

78.4

রথানাং ন যে১রাঃ সনাভয়ো জিগীবাংসো ন শূরা অভিদ্যবঃ ।
বরেয়বো ন মর্যা ঘৃতপ্রুষোঽভিস্বর্তারো অর্কং ন সুষ্টুভঃ ॥৪॥

78.5

অশ্বাসো ন যে জ্যেষ্ঠাস আশবো দিধিষবো ন রথ্যঃ সুদানবঃ ।
আপো ন নিম্নৈরুদভির্জিগত্নবো বিশ্বরূপা অঙ্গিরসো ন সামভিঃ ॥৫॥

78.6

গ্রাবাণো ন সূরয়ঃ সিন্ধুমাতর আদর্দিরাসো অদ্রয়ো ন বিশ্বহা ।
শিশূলা ন ক্রীলয়ঃ সুমাতরো মহাগ্রামো ন যামন্নুত ত্বিষা ॥৬॥

78.7

উষসাং ন কেতবোঽধ্বরশ্রিয়ঃ শুভংয়বো নাঞ্জিভির্ব্যশ্বিতন্ ।
সিন্ধবো ন যয়িয়ো ভ্রাজদৃষ্টয়ঃ পরাবতো ন যোজনানি মমিরে ॥৭॥

78.8

সুভাগান্নো দেবাঃ কৃণুতা সুরত্নানস্মান্ত্স্তোতৄন্মরুতো বাবৃধানাঃ ।
অধি স্তোত্রস্য সখ্যস্য গাত সনাদ্ধি বো রত্নধেয়ানি সন্তি ॥৮॥