সূক্ত 61

61.1

২৭ নাভানেদিষ্ঠো মানবঃ। বিশ্বে দেবাঃ। ত্রিষ্টুপ্।

ইদমিত্থা রৌদ্রং গূর্তবচা ব্রহ্ম ক্রত্বা শচ্যামন্তরাজৌ ।
ক্রাণা যদস্য পিতরা মংহনেষ্ঠাঃ পর্ষত্পক্থে অহন্না সপ্ত হোতৄন্ ॥১॥

61.2

স ইদ্দানায় দভ্যায় বন্বঞ্চ্যবানঃ সূদৈরমিমীত বেদিম্ ।
তূর্বয়াণো গূর্তবচস্তমঃ ক্ষোদো ন রেত ইতঊতি সিঞ্চৎ ॥২॥

61.3

মনো ন যেষু হবনেষু তিগ্মং বিপঃ শচ্যা বনুথো দ্রবন্তা ।
আ যঃ শর্যাভিস্তুবিনৃম্ণো অস্যাঽশ্রীণীতাদিশং গভস্তৌ ॥৩॥

61.4

কৃষ্ণা যদ্গোষ্বরুণীষু সীদদ্দিবো নপাতাশ্বিনা হুবে বাম্ ।
বীতং মে যজ্ঞমা গতং মে অন্নং ববন্বাংসা নেষমস্মৃতধ্রূ ॥৪॥

61.5

প্রথিষ্ট যস্য বীরকর্মমিষ্ণদনুষ্ঠিতং নু নর্যো অপৌহৎ ।
পুনস্তদা বৃহতি যত্কনায়া দুহিতুরা অনুভৃতমনর্বা ॥৫॥

61.6

মধ্যা যত্কর্ত্বমভবদভীকে কামং কৃণ্বানে পিতরি যুবত্যাম্ ।
মনানগ্রেতো জহতুর্বিয়ন্তা সানৌ নিষিক্তং সুকৃতস্য যোনৌ ॥৬॥

61.7

পিতা যত্স্বাং দুহিতরমধিষ্কন্ক্ষ্ময়া রেতঃ সংজগ্মানো নি ষিঞ্চৎ ।
স্বাধ্যোঽজনয়ন্ব্রহ্ম দেবা বাস্তোষ্পতিং ব্রতপাং নিরতক্ষন্ ॥৭॥

61.8

স ঈং বৃষা ন ফেনমস্যদাজৌ স্মদা পরৈদপ দভ্রচেতাঃ ।
সরত্পদা ন দক্ষিণা পরাবৃঙ্ন তা নু মে পৃশন্যো জগৃভ্রে ॥৮॥

61.9

মক্ষূ ন বহ্নিঃ প্রজায়া উপব্দিরগ্নিং ন নগ্ন উপ সীদদূধঃ ।
সনিতেধ্মং সনিতোত বাজং স ধর্তা জজ্ঞে সহসা যবীয়ুৎ ॥৯॥

61.10

মক্ষূ কনায়াঃ সখ্যং নবগ্বা ঋতং বদন্ত ঋতয়ুক্তিমগ্মন্ ।
দ্বিবর্হসো য উপ গোপমাগুরদক্ষিণাসো অচ্যুতা দুদুক্ষন্ ॥১০॥

61.11

মক্ষূ কনায়াঃ সখ্যং নবীয়ো রাধো ন রেত ঋতমিত্তুরণ্যন্ ।
শুচি যত্তে রেক্ণ আয়জন্ত সবর্দুঘায়াঃ পয় উস্রিয়ায়াঃ ॥১১॥

61.12

পশ্বা যত্পশ্চা বিয়ুতা বুধন্তেতি ব্রবীতি বক্তরী ররাণঃ ।
বসোর্বসুত্বা কারবোঽনেহা বিশ্বং বিবেষ্টি দ্রবিণমুপ ক্ষু ॥১২॥

61.13

তদিন্ন্বস্য পরিষদ্বানো অগ্মন্পুরূ সদন্তো নার্ষদং বিভিত্সন্ ।
বি শুষ্ণস্য সংগ্রথিতমনর্বা বিদত্পুরুপ্রজাতস্য গুহা যৎ ॥১৩॥

61.14

ভর্গো হ নামোত যস্য দেবাঃ স্ব১র্ণ যে ত্রিষধস্থে নিষেদুঃ ।
অগ্নির্হ নামোত জাতবেদাঃ শ্রুধী নো হোতৠতস্য হোতাধ্রুক্ ॥১৪॥

61.15

উত ত্যা মে রৌদ্রাবর্চিমন্তা নাসত্যাবিন্দ্র গূর্তয়ে যজধ্যৈ ।
মনুষ্বদ্বৃক্তবর্হিষে ররাণা মন্দূ হিতপ্রয়সা বিক্ষু যজ্যূ ॥১৫॥

61.16

অয়ং স্তুতো রাজা বন্দি বেধা অপশ্চ বিপ্রস্তরতি স্বসেতুঃ ।
স কক্ষীবন্তং রেজয়ত্সো অগ্নিং নেমিং ন চক্রমর্বতো রঘুদ্রু ॥১৬॥

61.17

স দ্বিবন্ধুর্বৈতরণো যষ্টা সবর্ধুং ধেনুমস্বং দুহধ্যৈ ।
সং যন্মিত্রাবরুণা বৃঞ্জ উক্থৈর্জ্যেষ্ঠেভিরর্যমণং বরূথৈঃ ॥১৭॥

61.18

তদ্বন্ধুঃ সূরির্দিবি তে ধিয়ংধা নাভানেদিষ্ঠো রপতি প্র বেনন্ ।
সা নো নাভিঃ পরমাস্য বা ঘাঽহং তত্পশ্চা কতিথশ্চিদাস ॥১৮॥

61.19

ইয়ং মে নাভিরিহ মে সধস্থমিমে মে দেবা অয়মস্মি সর্বঃ ।
দ্বিজা অহ প্রথমজা ঋতস্যেদং ধেনুরদুহজ্জায়মানা ॥১৯॥

61.20

অধাসু মন্দ্রো অরতির্বিভাবাঽব স্যতি দ্বিবর্তনির্বনেষাট্ ।
ঊর্ধ্বা যচ্ছ্রেণির্ন শিশুর্দন্মক্ষূ স্থিরং শেবৃধং সূত মাতা ॥২০॥

61.21

অধা গাব উপমাতিং কনায়া অনু শ্বান্তস্য কস্য চিত্পরেয়ুঃ ।
শ্রুধি ত্বং সুদ্রবিণো নস্ত্বং যালাশ্বঘ্নস্য বাবৃধে সূনৃতাভিঃ ॥২১॥

61.22

অধ ত্বমিন্দ্র বিদ্ধ্য১স্মান্মহো রায়ে নৃপতে বজ্রবাহুঃ ।
রক্ষা চ নো মঘোনঃ পাহি সূরীননেহসস্তে হরিবো অভিষ্টৌ ॥২২॥

61.23

অধ যদ্রাজানা গবিষ্টৌ সরত্সরণ্যুঃ কারবে জরণ্যুঃ ।
বিপ্রঃ প্রেষ্ঠঃ স হ্যেষাং বভূব পরা চ বক্ষদুত পর্ষদেনান্ ॥২৩॥

61.24

অধা ন্বস্য জেন্যস্য পুষ্টৌ বৃথা রেভন্ত ঈমহে তদূ নু ।
সরণ্যুরস্য সূনুরশ্বো বিপ্রশ্চাসি শ্রবসশ্চ সাতৌ ॥২৪॥

61.25

যুবোর্যদি সখ্যায়াস্মে শর্ধায় স্তোমং জুজুষে নমস্বান্ ।
বিশ্বত্র যস্মিন্না গিরঃ সমীচীঃ পূর্বীব গাতুর্দাশত্সূনৃতায়ৈ ॥২৫॥

61.26

স গৃণানো অদ্ভির্দেববানিতি সুবন্ধুর্নমসা সূক্তৈঃ ।
বর্ধদুক্থৈর্বচোভিরা হি নূনং ব্যধ্বৈতি পয়স উস্রিয়ায়াঃ ॥২৬॥

61.27

ত ঊ ষু ণো মহো যজত্রা ভূত দেবাস ঊতয়ে সজোষাঃ ।
যে বাজাঁ অনয়তা বিয়ন্তো যে স্থা নিচেতারো অমূরাঃ ॥২৭॥