সূক্ত 60

60.1

১২ বন্ধুঃ শ্রুতবন্ধুর্বিপ্রবন্ধুর্গৌপায়নাঃ,৬ অগস্ত্যস্বসা এষাং মাতা ঋষিকা। ১-৪,৬ অসমাতিঃ, ৫ ইন্দ্রঃ,৭-১১ জীবঃ,১২ হস্তঃ।অনুষ্টুপ্,১-৫ গায়ত্রী, ৮-৯ পংক্তিঃ।

আ জনং ত্বেষসংদৃশং মাহীনানামুপস্তুতম্ । অগন্ম বিভ্রতো নমঃ ॥১॥

60.2

অসমাতিং নিতোশনং ত্বেষং নিয়য়িনং রথম্ । ভজেরথস্য সত্পতিম্ ॥২॥

60.3

যো জনান্মহিষাঁ ইবাঽতিতস্থৌ পবীরবান্ । উতাপবীরবান্যুধা ॥৩॥

60.4

যস্যেক্ষ্বাকুরুপ ব্রতে রেবান্মরায্যেধতে । দিবীব পঞ্চ কৃষ্টয়ঃ ॥৪॥

60.5

ইন্দ্র ক্ষত্রাসমাতিষু রথপ্রোষ্ঠেষু ধারয় । দিবীব সূর্যং দৃশে ॥৫॥

60.6

অগস্ত্যস্য নদ্ভ্যঃ সপ্তী যুনক্ষি রোহিতা । পণীন্ন্যক্রমীরভি বিশ্বান্রাজন্নরাধসঃ ॥৬॥

60.7

অয়ং মাতায়ং পিতাঽয়ং জীবাতুরাগমৎ । ইদং তব প্রসর্পণং সুবন্ধবেহি নিরিহি ॥৭॥

60.8

যথা যুগং বরত্রয়া নহ্যন্তি ধরুণায় কম্ । এবা দাধার তে মনো জীবাতবে ন মৃত্যবেঽথো অরিষ্টতাতয়ে ॥৮॥

60.9

যথেয়ং পৃথিবী মহী দাধারেমান্বনস্পতীন্ । এবা দাধার তে মনো জীবাতবে ন মৃত্যবেঽথো অরিষ্টতাতয়ে ॥৯॥

60.10

যমাদহং বৈবস্বতাত্সুবন্ধোর্মন আভরম্ । জীবাতবে ন মৃত্যবেঽথো অরিষ্টতাতয়ে ॥১০॥

60.11

ন্য১গ্বাতোঽব বাতি ন্যক্তপতি সূর্যঃ । নীচীনমঘ্ন্যা দুহে ন্যগ্ভবতু তে রপঃ ॥১১॥

60.12

অয়ং মে হস্তো ভগবানয়ং মে ভগবত্তরঃ । অয়ং মে বিশ্বভেষজোঽয়ং শিবাভিমর্শনঃ ॥১২॥