সূক্ত 59

59.1

১০ বন্ধু শ্রুতবন্ধুর্বিপ্রবন্ধুর্গৌপায়নাঃ।১-৩ নির্ঋতিঃ,৪ নির্ঋতিঃ সোমশ্চ, ৫-৬অসুনীতিঃ, ৭ পৃথিবী-দ্বয়ন্তরিক্ষ-সোম-পূষ-পথ্যা-স্বস্তয়ঃ,৮-১০ দ্যাবাপৃথিবী, ১০ (পূর্বার্ধস্য) ইন্দ্র- দ্যাবাপৃথিব্যঃ। ত্রিষ্টুপ্ , ৮ পংক্তিঃ,৯ মহাপংক্তিঃ, ১০ পংক্ত্যুত্তরা।

প্র তার্যায়ুঃ প্রতরং নবীয়ঃ স্থাতারেব ক্রতুমতা রথস্য ।
অধ চ্যবান উত্তবীত্যর্থং পরাতরং সু নিৠতির্জিহীতাম্ ॥১॥

59.2

সামন্নু রায়ে নিধিমন্ন্বন্নং করামহে সু পুরুধ শ্রবাংসি ।
তা নো বিশ্বানি জরিতা মমত্তু পরাতরং সু নিৠতির্জিহীতাম্ ॥২॥

59.3

অভী ষ্ব১র্যঃ পৌংস্যৈর্ভবেম দ্যৌর্ন ভূমিং গিরয়ো নাজ্রান্ ।
তা নো বিশ্বানি জরিতা চিকেত পরাতরং সু নিৠতির্জিহীতাম্ ॥৩॥

59.4

মো ষু ণঃ সোম মৃত্যবে পরা দাঃ পশ্যেম নু সূর্যমুচ্চরন্তম্ ।
দ্যুভির্হিতো জরিমা সূ নো অস্তু পরাতরং সু নিৠতির্জিহীতাম্ ॥৪॥

59.5

অসুনীতে মনো অস্মাসু ধারয় জীবাতবে সু প্র তিরা ন আয়ুঃ ।
রারন্ধি নঃ সূর্যস্য সংদৃশি ঘৃতেন ত্বং তন্বং বর্ধয়স্ব ॥৫॥

59.6

অসুনীতে পুনরস্মাসু চক্ষুঃ পুনঃ প্রাণমিহ নো ধেহি ভোগম্ ।
জ্যোক্পশ্যেম সূর্যমুচ্চরন্তমনুমতে মৃলয়া নঃ স্বস্তি ॥৬॥

59.7

পুনর্নো অসুং পৃথিবী দদাতু পুনর্দ্যৌর্দেবী পুনরন্তরিক্ষম্ ।
পুনর্নঃ সোমস্তন্বং দদাতু পুনঃ পূষা পথ্যাং৩ যা স্বস্তিঃ ॥৭॥

59.8

শং রোদসী সুবন্ধবে যহ্বী ঋতস্য মাতরা ।
ভরতামপ যদ্রপো দ্যৌঃ পৃথিবি ক্ষমা রপো মো ষু তে কিং চনামমৎ ॥৮॥

59.9

অব দ্বকে অব ত্রিকা দিবশ্চরন্তি ভেষজা ।
ক্ষমা চরিষ্ণ্বেককং ভরতামপ যদ্রপো দ্যৌঃ পৃথিবি ক্ষমা রপো মো ষু তে কিং চনামমৎ ॥৯॥

59.10

সমিন্দ্রেরয় গামনড্বাহং য আবহদুশীনরাণ্যা অনঃ ।
ভরতামপ যদ্রপো দ্যৌঃ পৃথিবি ক্ষমা রপো মো ষু তে কিং চনামমৎ ॥১০॥