সূক্ত 38

38.1

৫ মুষ্কবানিন্দ্রঃ। ইন্দ্রঃ। জগতী।

অস্মিন্ন ইন্দ্র পৃত্সুতৌ যশস্বতি শিমীবতি ক্রন্দসি প্রাব সাতয়ে ।
যত্র গোষাতা ধৃষিতেষু খাদিষু বিষ্বক্পতন্তি দিদ্যবো নৃষাহ্যে ॥১॥

38.2

স নঃ ক্ষুমন্তং সদনে ব্যূর্ণুহি গোঅর্ণসং রয়িমিন্দ্র শ্রবায্যম্ ।
স্যাম তে জয়তঃ শক্র মেদিনো যথা বয়মুশ্মসি তদ্বসো কৃধি ॥২॥

38.3

যো নো দাস আর্যো বা পুরুষ্টুতাঽদেব ইন্দ্র যুধয়ে চিকেততি ।
অস্মাভিষ্টে সুষহাঃ সন্তু শত্রবস্ত্বয়া বয়ং তান্বনুয়াম সংগমে ॥৩॥

38.4

যো দভ্রেভির্হব্যো যশ্চ ভূরিভির্যো অভীকে বরিবোবিন্নৃষাহ্যে ।
তং বিখাদে সস্নিমদ্য শ্রুতং নরমর্বাঞ্চমিন্দ্রমবসে করামহে ॥৪॥

38.5

স্ববৃজং হি ত্বামহমিন্দ্র শুশ্রবানানুদং বৃষভ রধ্রচোদনম্ ।
প্র মুঞ্চস্ব পরি কুত্সাদিহা গহি কিমু ত্বাবান্মুষ্কয়োর্বদ্ধ আসতে ॥৫॥