সূক্ত 39

39.1

১৪ কাক্ষীবতী ঘোষা। অশ্বিনৌ। জগতী, ১৪ ত্রিষ্টুপ্।

যো বাং পরিজ্মা সুবৃদশ্বিনা রথো দোষামুষাসো হব্যো হবিষ্মতা ।
শশ্বত্তমাসস্তমু বামিদং বয়ং পিতুর্ন নাম সুহবং হবামহে ॥১॥

39.2

চোদয়তং সূনৃতাঃ পিন্বতং ধিয় উত্পুরংধীরীরয়তং তদুশ্মসি ।
যশসং ভাগং কৃণুতং নো অশ্বিনা সোমং ন চারুং মঘবত্সু নস্কৃতম্ ॥২॥

39.3

অমাজুরশ্চিদ্ভবথো যুবং ভগোঽনাশোশ্চিদবিতারাপমস্য চিৎ ।
অন্ধস্য চিন্নাসত্যা কৃশস্য চিদ্যুবামিদাহুর্ভিষজা রুতস্য চিৎ ॥৩॥

39.4

যুবং চ্যবানং সনয়ং যথা রথং পুনর্যুবানং চরথায় তক্ষথুঃ ।
নিষ্টৌগ্র্যমূহথুরদ্ভ্যস্পরি বিশ্বেত্তা বাং সবনেষু প্রবাচ্যা ॥৪॥

39.5

পুরাণা বাং বীর্যা৩ প্র ব্রবা জনেঽথো হাসথুর্ভিষজা ময়োভুবা ।
তা বাং নু নব্যাববসে করামহেঽয়ং নাসত্যা শ্রদরির্যথা দধৎ ॥৫॥

39.6

ইয়ং বামহ্বে শৃণুতং মে অশ্বিনা পুত্রায়েব পিতরা মহ্যং শিক্ষতম্ ।
অনাপিরজ্ঞা অসজাত্যামতিঃ পুরা তস্যা অভিশস্তেরব স্পৃতম্ ॥৬॥

39.7

যুবং রথেন বিমদায় শুন্ধ্যুবং ন্যূহথুঃ পুরুমিত্রস্য যোষণাম্ ।
যুবং হবং বধ্রিমত্যা অগচ্ছতং যুবং সুষুতিং চক্রথুঃ পুরংধয়ে ॥৭॥

39.8

যুবং বিপ্রস্য জরণামুপেয়ুষঃ পুনঃ কলেরকৃণুতং যুবদ্বয়ঃ ।
যুবং বন্দনমৃশ্যদাদুদূপথুর্যুবং সদ্যো বিশ্পলামেতবে কৃথঃ ॥৮॥

39.9

যুবং হ রেভং বৃষণা গুহা হিতমুদৈরয়তং মমৃবাংসমশ্বিনা ।
যুবমৃবীসমুত তপ্তমত্রয় ওমন্বন্তং চক্রথুঃ সপ্তবধ্রয়ে ॥৯॥

39.10

যুবং শ্বেতং পেদবেঽশ্বিনাশ্বং নবভির্বাজৈর্নবতী চ বাজিনম্ ।
চর্কৃত্যং দদথুর্দ্রাবয়ত্সখং ভগং ন নৃভ্যো হব্যং ময়োভুবম্ ॥১০॥

39.11

ন তং রাজানাবদিতে কুতশ্চন নাংহো অশ্নোতি দুরিতং নকির্ভয়ম্ ।
যমশ্বিনা সুহবা রুদ্রবর্তনী পুরোরথং কৃণুথঃ পত্ন্যা সহ ॥১১॥

39.12

আ তেন যাতং মনসো জবীয়সা রথং যং বামৃভবশ্চক্রুরশ্বিনা ।
যস্য যোগে দুহিতা জায়তে দিব উভে অহনী সুদিনে বিবস্বতঃ ॥১২॥

39.13

তা বর্তির্যাতং জয়ুষা বি পর্বতমপিন্বতং শয়বে ধেনুমশ্বিনা ।
বৃকস্য চিদ্বর্তিকামন্তরাস্যাদ্যুবং শচীভির্গ্রসিতামমুঞ্চতম্ ॥১৩॥

39.14

এতং বাং স্তোমমশ্বিনাবকর্মাতক্ষাম ভৃগবো ন রথম্ ।
ন্যমৃক্ষাম যোষণাং ন মর্যে নিত্যং ন সূনুং তনয়ং দধানাঃ ॥১৪॥