সূক্ত 36

36.1

১৪ লুশো ধানাকঃ। বিশ্বেদেবাঃ । জগতী,১৩-১৪ ত্রিষ্টুপ্।

উষাসানক্তা বৃহতী সুপেশসা দ্যাবাক্ষামা বরুণো মিত্রো অর্যমা ।
ইন্দ্রং হুবে মরুতঃ পর্বতাঁ অপ আদিত্যান্দ্যাবাপৃথিবী অপঃ স্বঃ ॥১॥

দ্যৌশ্চ নঃ পৃথিবী চ প্রচেতস ঋতাবরী রক্ষতামংহসো রিষঃ ।
মা দুর্বিদত্রা নিৠতির্ন ঈশত তদ্দেবানামবো অদ্যা বৃণীমহে ॥২॥

বিশ্বস্মান্নো অদিতিঃ পাত্বংহসো মাতা মিত্রস্য বরুণস্য রেবতঃ ।
স্বর্বজ্জ্যোতিরবৃকং নশীমহি তদ্দেবানামবো অদ্যা বৃণীমহে ॥৩॥

গ্রাবা বদন্নপ রক্ষাংসি সেধতু দুষ্ষ্বপ্ন্যং নিৠতিং বিশ্বমত্রিণম্ ।
আদিত্যং শর্ম মরুতামশীমহি তদ্দেবানামবো অদ্যা বৃণীমহে ॥৪॥

এন্দ্রো বর্হিঃ সীদতু পিন্বতামিলা বৃহস্পতিঃ সামভিৠক্বো অর্চতু ।
সুপ্রকেতং জীবসে মন্ম ধীমহি তদ্দেবানামবো অদ্যা বৃণীমহে ॥৫॥

দিবিস্পৃশং যজ্ঞমস্মাকমশ্বিনা জীরাধ্বরং কৃণুতং সুম্নমিষ্টয়ে ।
প্রাচীনরশ্মিমাহুতং ঘৃতেন তদ্দেবানামবো অদ্যা বৃণীমহে ॥৬॥

উপ হ্বয়ে সুহবং মারুতং গণং পাবকমৃষ্বং সখ্যায় শম্ভুবম্ ।
রায়স্পোষং সৌশ্রবসায় ধীমহি তদ্দেবানামবো অদ্যা বৃণীমহে ॥৭॥

অপাং পেরুং জীবধন্যং ভরামহে দেবাব্যং সুহবমধ্বরশ্রিয়ম্ ।
সুরশ্মিং সোমমিন্দ্রিয়ং যমীমহি তদ্দেবানামবো অদ্যা বৃণীমহে ॥৮॥

সনেম তত্সুসনিতা সনিত্বভির্বয়ং জীবা জীবপুত্রা অনাগসঃ ।
ব্রহ্মদ্বিষো বিষ্বগেনো ভরেরত তদ্দেবানামবো অদ্যা বৃণীমহে ॥৯॥

যে স্থা মনোর্যজ্ঞিয়াস্তে শৃণোতন যদ্বো দেবা ঈমহে তদ্দদাতন ।
জৈত্রং ক্রতুং রয়িমদ্বীরবদ্যশস্তদ্দেবানামবো অদ্যা বৃণীমহে ॥১০॥

মহদদ্য মহতামা বৃণীমহেঽবো দেবানাং বৃহতামনর্বণাম্ ।
যথা বসু বীরজাতং নশামহৈ তদ্দেবানামবো অদ্যা বৃণীমহে ॥১১॥

মহো অগ্নেঃ সমিধানস্য শর্মণ্যনাগা মিত্রে বরুণে স্বস্তয়ে ।
শ্রেষ্ঠে স্যাম সবিতুঃ সবীমনি তদ্দেবানামবো অদ্যা বৃণীমহে ॥১২॥

যে সবিতুঃ সত্যসবস্য বিশ্বে মিত্রস্য ব্রতে বরুণস্য দেবাঃ ।
তে সৌভগং বীরবদ্গোমদপ্নো দধাতন দ্রবিণং চিত্রমস্মে ॥১৩॥

সবিতা পশ্চাতাত্সবিতা পুরস্তাত্সবিতোত্তরাত্তাত্সবিতাধরাত্তাৎ ।
সবিতা নঃ সুবতু সর্বতাতিং সবিতা নো রাসতাং দীর্ঘমায়ুঃ ॥১৪॥