সূক্ত 35

35.1

১৪ লুশো ধানাকঃ। বিশ্বেদেবাঃ । জগতী,১৩-১৪ ত্রিষ্টুপ্।

অবুধ্রমু ত্য ইন্দ্রবন্তো অগ্নয়ো জ্যোতির্ভরন্ত উষসো ব্যুষ্টিষু ।
মহী দ্যাবাপৃথিবী চেততামপোঽদ্যা দেবানামব আ বৃণীমহে ॥১॥

দিবস্পৃথিব্যোরব আ বৃণীমহে মাতৄন্ত্সিন্ধূন্পর্বতাঞ্ছর্যণাবতঃ ।
অনাগাস্ত্বং সূর্যমুষাসমীমহে ভদ্রং সোমঃ সুবানো অদ্যা কৃণোতু নঃ ॥২॥

দ্যাবা নো অদ্য পৃথিবী অনাগসো মহী ত্রায়েতাং সুবিতায় মাতরা ।
উষা উচ্ছন্ত্যপ বাধতামঘং স্বস্ত্য১গ্নিং সমিধানমীমহে ॥৩॥

ইয়ং ন উস্রা প্রথমা সুদেব্যং রেবত্সনিভ্যো রেবতী ব্যুচ্ছতু ।
আরে মন্যুং দুর্বিদত্রস্য ধীমহি স্বস্ত্য১গ্নিং সমিধানমীমহে ॥৪॥

প্র যাঃ সিস্রতে সূর্যস্য রশ্মিভির্জ্যোতির্ভরন্তীরুষসো ব্যুষ্টিষু ।
ভদ্রা নো অদ্য শ্রবসে ব্যুচ্ছত স্বস্ত্য১গ্নিং সমিধানমীমহে ॥৫॥

অনমীবা উষস আ চরন্তু ন উদগ্নয়ো জিহতাং জ্যোতিষা বৃহৎ ।
আয়ুক্ষাতামশ্বিনা তূতুজিং রথং স্বস্ত্য১গ্নিং সমিধানমীমহে ॥৬॥

শ্রেষ্ঠং নো অদ্য সবিতর্বরেণ্যং ভাগমা সুব স হি রত্নধা অসি ।
রায়ো জনিত্রীং ধিষণামুপ ব্রুবে স্বস্ত্য১গ্নিং সমিধানমীমহে ॥৭॥

পিপর্তু মা তদৃতস্য প্রবাচনং দেবানাং যন্মনুষ্যা৩ অমন্মহি ।
বিশ্বা ইদুস্রাঃ স্পলুদেতি সূর্যঃ স্বস্ত্য১গ্নিং সমিধানমীমহে ॥৮॥

অদ্বেষো অদ্য বর্হিষঃ স্তরীমণি গ্রাব্ণাং যোগে মন্মনঃ সাধ ঈমহে ।
আদিত্যানাং শর্মণি স্থা ভুরণ্যসি স্বস্ত্য১গ্নিং সমিধানমীমহে ॥৯॥

আ নো বর্হিঃ সধমাদে বৃহদ্দিবি দেবাঁ ঈলে সাদয়া সপ্ত হোতৄন্ ।
ইন্দ্রং মিত্রং বরুণং সাতয়ে ভগং স্বস্ত্য১গ্নিং সমিধানমীমহে ॥১০॥

ত আদিত্যা আ গতা সর্বতাতয়ে বৃধে নো যজ্ঞমবতা সজোষসঃ ।
বৃহস্পতিং পূষণমশ্বিনা ভগং স্বস্ত্য১গ্নিং সমিধানমীমহে ॥১১॥

তন্নো দেবা যচ্ছত সুপ্রবাচনং ছর্দিরাদিত্যাঃ সুভরং নৃপায্যম্ ।
পশ্বে তোকায় তনয়ায় জীবসে স্বস্ত্য১গ্নিং সমিধানমীমহে ॥১২॥

বিশ্বে অদ্য মরুতো বিশ্ব ঊতী বিশ্বে ভবন্ত্বগ্নয়ঃ সমিদ্ধাঃ ।
বিশ্বে নো দেবা অবসা গমন্তু বিশ্বমস্তু দ্রবিণং বাজো অস্মে ॥১৩॥

যং দেবাসোঽবথ বাজসাতৌ যং ত্রায়ধ্বে যং পিপৃথাত্যংহঃ ।
যো বো গোপীথে ন ভয়স্য বেদ তে স্যাম দেববীতয়ে তুরাসঃ ॥১৪॥