সূক্ত 28

28.1

(১২) ১ ইন্দ্রস্নুষা বসুক্রপত্নী ঋষিকা, ২,৬,৮,১০,১২ ইন্দ্র ঋষিঃ, ৩,৪,৫,৭,৯,১১ ঐন্দ্রো বসুক্রঃ ঋষিঃ। ২,৬,৮,১০,১২ ঐন্দ্রো বসুক্রো দেবতা, ১,৩,৪,৫,৭,৯,১১ ইন্দ্রো দেবতা। ত্রিষ্টুপ্।

বিশ্বো হ্য১ন্যো অরিরাজগাম মমেদহ শ্বশুরো না জগাম ।
জক্ষীয়াদ্ধানা উত সোমং পপীয়াত্স্বাশিতঃ পুনরস্তং জগায়াৎ ॥১॥

28.2

স রোরুবদ্বৃষভস্তিগ্মশৃঙ্গো বর্ষ্মন্তস্থৌ বরিমন্না পৃথিব্যাঃ ।
বিশ্বেষ্বেনং বৃজনেষু পামি যো মে কুক্ষী সুতসোমঃ পৃণাতি ॥২॥

28.3

অদ্রিণা তে মন্দিন ইন্দ্র তূয়ান্ত্সুন্বন্তি সোমান্পিবসি ত্বমেষাম্ ।
পচন্তি তে বৃষভাঁ অত্সি তেষাং পৃক্ষেণ যন্মঘবন্হূয়মানঃ ॥৩॥

28.4

ইদং সু মে জরিতরা চিকিদ্ধি প্রতীপং শাপং নদ্যো বহন্তি ।
লোপাশঃ সিংহং প্রত্যঞ্চমত্সাঃ ক্রোষ্টা বরাহং নিরতক্ত কক্ষাৎ ॥৪॥

28.5

কথা ত এতদহমা চিকেতং গৃত্সস্য পাকস্তবসো মনীষাম্ ।
ত্বং নো বিদ্বাঁ ঋতুথা বি বোচো যমর্ধং তে মঘবন্ক্ষেম্যা ধূঃ ॥৫॥

28.6

এবা হি মাং তবসং বর্ধয়ন্তি দিবশ্চিন্মে বৃহত উত্তরা ধূঃ ।
পুরূ সহস্রা নি শিশামি সাকমশত্রুং হি মা জনিতা জজান ॥৬॥

28.7

এবা হি মাং তবসং জজ্ঞুরুগ্রং কর্মন্কর্মন্বৃষণমিন্দ্র দেবাঃ ।
বধীং বৃত্রং বজ্রেণ মন্দসানোঽপ ব্রজং মহিনা দাশুষে বম্ ॥৭॥

28.8

দেবাস আয়ন্পরশূঁরবিভ্রন্বনা বৃশ্চন্তো অভি বিড্ভিরায়ন্ ।
নি সুদ্র্বং১ দধতো বক্ষণাসু যত্রা কৃপীটমনু তদ্দহন্তি ॥৮॥

28.9

শশঃ ক্ষুরং প্রত্যঞ্চং জগারাঽদ্রিং লোগেন ব্যভেদমারাৎ ।
বৃহন্তং চিদৃহতে রন্ধয়ানি বয়দ্বত্সো বৃষভং শূশুবানঃ ॥৯॥

28.10

সুপর্ণ ইত্থা নখমা সিষায়াবরুদ্ধঃ পরিপদং ন সিংহঃ ।
নিরুদ্ধশ্চিন্মহিষস্তর্ষ্যাবান্গোধা তস্মা অয়থং কর্ষদেতৎ ॥১০॥

28.11

তেভ্যো গোধা অয়থং কর্ষদেতদ্যে ব্রহ্মণঃ প্রতিপীয়ন্ত্যন্নৈঃ ।
সিম উক্ষ্ণোঽবসৃষ্টাঁ অদন্তি স্বয়ং বলানি তন্বঃ শৃণানাঃ ॥১১॥

28.12

এতে শমীভিঃ সুশমী অভূবন্যে হিন্বিরে তন্ব১ঃ সোম উক্থৈঃ ।
নৃবদ্বদন্নুপ নো মাহি বাজান্দিবি শ্রবো দধিষে নাম বীরঃ ॥১২॥