সূক্ত 29

29.1

৮ ঐন্দ্রো বসুক্রঃ। ইন্দ্রঃ।ত্রিষ্টুপ্।

বনে ন বা যো ন্যধায়ি চাকঞ্ছুচির্বাং স্তোমো ভুরণাবজীগঃ ।
যস্যেদিন্দ্রঃ পুরুদিনেষু হোতা নৃণাং নর্যো নৃতমঃ ক্ষপাবান্ ॥১॥

29.2

প্র তে অস্যা উষসঃ প্রাপরস্যা নৃতৌ স্যাম নৃতমস্য নৃণাম্ ।
অনু ত্রিশোকঃ শতমাবহন্নৄন্কুত্সেন রথো যো অসত্সসবান্ ॥২॥

29.3

কস্তে মদ ইন্দ্র রন্ত্যো ভূদ্দুরো গিরো অভ্যু১গ্রো বি ধাব ।
কদ্বাহো অর্বাগুপ মা মনীষা আ ত্বা শক্যামুপমং রাধো অন্নৈঃ ॥৩॥

29.4

কদু দ্যুম্নমিন্দ্র ত্বাবতো নৄন্কয়া ধিয়া করসয় কন্ন আগন্ ।
মিত্রো ন সত্য উরুগায় ভৃত্যা অন্নে সমস্য যদসন্মনীষাঃ ॥৪॥

29.5

প্রেরয় সূরো অর্থং ন পারং যে অস্য কামং জনিধা ইব গ্মন্ ।
গিরশ্চ যে তে তুবিজাত পূর্বীর্নর ইন্দ্র প্রতিশিক্ষন্ত্যন্নৈঃ ॥৫॥

29.6

মাত্রে নু তে সুমিতে ইন্দ্র পূর্বী দ্যৌর্মজ্মনা পৃথিবী কাব্যেন ।
বরায় তে ঘৃতবন্তঃ সুতাসঃ স্বাদ্মন্ভবন্তু পীতয়ে মধূনি ॥৬॥

29.7

আ মধ্বো অস্মা অসিচন্নমত্রমিন্দ্রায় পূর্ণং স হি সত্যরাধাঃ ।
স বাবৃধে বরিমন্না পৃথিব্যা অভি ক্রত্বা নর্যঃ পৌংস্যৈশ্চ ॥৭॥

29.8

ব্যানলিন্দ্রঃ পৃতনাঃ স্বোজা আস্মৈ যতন্তে সখ্যায় পূর্বীঃ ।
আ স্মা রথং ন পৃতনাসু তিষ্ঠ যং ভদ্রয়া সুমত্যা চোদয়াসে ॥৮॥