সূক্ত 2

2.1

৭ ত্রিত আপ্ত্যঃ। অগ্নিঃ। ত্রিষ্টুপ্।

পিপ্রীহি দেবাঁ উশতো যবিষ্ঠ বিদ্বাঁ ঋতূঁৠতুপতে যজেহ ।
যে দৈব্যা ঋত্বিজস্তেভিরগ্নে ত্বং হোতৄণামস্যায়জিষ্ঠঃ ॥১॥

2.2

বেষি হোত্রমুত পোত্রং জনানাং মন্ধাতাসি দ্রবিণোদা ঋতাবা ।
স্বাহা বয়ং কৃণবামা হবীংষি দেবো দেবান্যজত্বগ্নিরর্হন্ ॥২॥

2.3

আ দেবানামপি পন্থামগন্ম যচ্ছক্নবাম তদনু প্রবোল্হুম্ ।
অগ্নির্বিদ্বান্ত্স যজাত্সেদু হোতা সো অধ্বরান্ত্স ঋতূন্কল্পয়াতি ॥৩॥

2.4

যদ্বো বয়ং প্রমিনাম ব্রতানি বিদুষাং দেবা অবিদুষ্টরাসঃ ।
অগ্নিষ্টদ্বিশ্বমা পৃণাতি বিদ্বান্যেভির্দেবাঁ ঋতুভিঃ কল্পয়াতি ॥৪॥

2.5

যত্পাকত্রা মনসা দীনদক্ষা ন যজ্ঞস্য মন্বতে মর্ত্যাসঃ ।
অগ্নিষ্টদ্ধোতা ক্রতুবিদ্বিজানন্যজিষ্ঠো দেবাঁ ঋতুশো যজাতি ॥৫॥

2.6

বিশ্বেষাং হ্যধ্বরাণামনীকং চিত্রং কেতুং জনিতা ত্বা জজান ।
স আ যজস্ব নৃবতীরনু ক্ষাঃ স্পার্হা ইষঃ ক্ষুমতীর্বিশ্বজন্যাঃ ॥৬॥

2.7

যং ত্বা দ্যাবাপৃথিবী যং ত্বাপস্ত্বষ্টা যং ত্বা সুজনিমা জজান ।
পন্থামনু প্রবিদ্বান্পিতৃয়াণং দ্যুমদগ্নে সমিধানো বি ভাহি ॥৭॥