সূক্ত 3

3.1

৭ ত্রিত আপ্ত্যঃ। অগ্নিঃ। ত্রিষ্টুপ্।

ইনো রাজন্নরতিঃ সমিদ্ধো রৌদ্রো দক্ষায় সুষুমাঁ অদর্শি ।
চিকিদ্বি ভাতি ভাসা বৃহতাঽসিক্নীমেতি রুশতীমপাজন্ ॥১॥

3.2

কৃষ্ণাং যদেনীমভি বর্পসা ভূজ্জনয়ন্যোষাং বৃহতঃ পিতুর্জাম্ ।
ঊর্ধ্বং ভানুং সূর্যস্য স্তভায়ন্দিবো বসুভিররতির্বি ভাতি ॥২॥

3.3

ভদ্রো ভদ্রয়া সচমান আগাত্স্বসারং জারো অভ্যেতি পশ্চাৎ ।
সুপ্রকেতৈর্দ্যুভিরগ্নির্বিতিষ্ঠন্রুশদ্ভির্বর্ণৈরভি রামমস্থাৎ ॥৩॥

3.4

অস্য যামাসো বৃহতো ন বগ্নূনিন্ধানা অগ্নেঃ সখ্যুঃ শিবস্য ।
ঈড্যস্য বৃষ্ণো বৃহতঃ স্বাসো ভামাসো যামন্নক্তবশ্চিকিত্রে ॥৪॥

3.5

স্বনা ন যস্য ভামাসঃ পবন্তে রোচমানস্য বৃহতঃ সুদিবঃ ।
জ্যেষ্ঠেভির্যস্তেজিষ্ঠৈঃ ক্রীলুমদ্ভির্বর্ষিষ্ঠেভির্ভানুভির্নক্ষতি দ্যাম্ ॥৫॥

3.6

অস্য শুষ্মাসো দদৃশানপবের্জেহমানস্য স্বনয়ন্নিয়ুদ্ভিঃ ।
প্রত্নেভির্যো রুশদ্ভির্দেবতমো বি রেভদ্ভিররতির্ভাতি বিভ্বা ॥৬॥

3.7

স আ বক্ষি মহি ন আ চ সত্সি দিবস্পৃথিব্যোররতির্যুবত্যোঃ ।
অগ্নিঃ সুতুকঃ সুতুকেভিরশ্বৈ রভস্বদ্ভী রভস্বাঁ এহ গম্যাঃ ॥৭॥