সূক্ত 4

4.1

৭ ত্রিত আপ্ত্যঃ। অগ্নিঃ। ত্রিষ্টুপ্।

প্র তে যক্ষি প্র ত ইয়র্মি মন্ম ভুবো যথা বন্দ্যো নো হবেষু ।
ধন্বন্নিব প্রপা অসি ত্বমগ্ন ইয়ক্ষবে পূরবে প্রত্ন রাজন্ ॥১॥

যং ত্বা জনাসো অভি সংচরন্তি গাব উষ্ণমিব ব্রজং যবিষ্ঠ ।
দূতো দেবানামসি মর্ত্যানামন্তর্মহাঁশ্চরসি রোচনেন ॥২॥

শিশুং ন ত্বা জেন্যং বর্ধয়ন্তী মাতা বিভর্তি সচনস্যমানা ।
ধনোরধি প্রবতা যাসি হর্যঞ্জিগীষসে পশুরিবাবসৃষ্টঃ ॥৩॥

মূরা অমূর ন বয়ং চিকিত্বো মহিত্বমগ্নে ত্বমঙ্গ বিত্সে ।
শয়ে বব্রিশ্চরতি জিহ্বয়াদন্রেরিহ্যতে যুবতিং বিশ্পতিঃ সন্ ॥৪॥

কূচিজ্জায়তে সনয়াসু নব্যো বনে তস্থৌ পলিতো ধূমকেতুঃ ।
অস্নাতাপো বৃষভো ন প্র বেতি সচেতসো যং প্রণয়ন্ত মর্তাঃ ॥৫॥

তনূত্যজেব তস্করা বনর্গূ রশনাভির্দশভিরভ্যধীতাম্ ।
ইয়ং তে অগ্নে নব্যসী মনীষা যুক্ষ্বা রথং ন শুচয়দ্ভিরঙ্গৈঃ ॥৬॥

ব্রহ্ম চ তে জাতবেদো নমশ্চেয়ং চ গীঃ সদমিদ্বর্ধনী ভূৎ ।
রক্ষা ণো অগ্নে তনয়ানি তোকা রক্ষোত নস্তন্বো৩ অপ্রয়ুচ্ছন্ ॥৭॥