সূক্ত 1

1.1

৭ ত্রিত আপ্ত্যঃ অগ্নিঃ। ত্রিষ্টুপ্।

অগ্রে বৃহন্নুষসামূর্ধ্বো অস্থান্নির্জগন্বান্তমসো জ্যোতিষাগাৎ ।
অগ্নির্ভানুনা রুশতা স্বঙ্গ আ জাতো বিশ্বা সদ্মান্যপ্রাঃ ॥১॥

1.2

স জাতো গর্ভো অসি রোদস্যোরগ্নে চারুর্বিভৃত ওষধীষু ।
চিত্রঃ শিশুঃ পরি তমাংস্যক্তূন্প্র মাতৃভ্যো অধি কনিক্রদদ্গাঃ ॥২॥

1.3

বিষ্ণুরিত্থা পরমমস্য বিদ্বাঞ্জাতো বৃহন্নভি পাতি তৃতীয়ম্ ।
আসা যদস্য পয়ো অক্রত স্বং সচেতসো অভ্যর্চন্ত্যত্র ॥৩॥

1.4

অত উ ত্বা পিতুভৃতো জনিত্রীরন্নাবৃধং প্রতি চরন্ত্যন্নৈঃ ।
তা ঈং প্রত্যেষি পুনরন্যরূপা অসি ত্বং বিক্ষু মানুষীষু হোতা ॥৪॥

1.5

হোতারং চিত্ররথমধ্বরস্য যজ্ঞস্যয়জ্ঞস্য কেতুং রুশন্তম্ ।
প্রত্যর্ধিং দেবস্যদেবস্য মহ্না শ্রিয়া ত্ব১গ্নিমতিথিং জনানাম্ ॥৫॥

1.6

স তু বস্ত্রাণ্যধ পেশনানি বসানো অগ্নির্নাভা পৃথিব্যাঃ ।
অরুষো জাতঃ পদ ইলায়াঃ পুরোহিতো রাজন্যক্ষীহ দেবান্ ॥৬॥

1.7

আ হি দ্যাবাপৃথিবী অগ্ন উভে সদা পুত্রো ন মাতরা ততন্থ ।
প্র যাহ্যচ্ছোশতো যবিষ্ঠাঽথা বহ সহস্যেহ দেবান্ ॥৭॥