সূক্ত 18

18.1

১৪ সংকুসুকো যামায়নঃ। ১-৪ মৃত্যুঃ,৫ ধাতা, ৬ ত্বষ্টা,৭-১৪ পিতৃমেধঃ,১৪ প্রজাপতির্বা। ত্রিষ্টুপ্ , ১১ প্রস্তারপংক্তিঃ, ১৩ জগতী ১৪ অনুষ্টুপ্।

পরং মৃত্যো অনু পরেহি পন্থাং যস্তে স্ব ইতরো দেবয়ানাৎ ।
চক্ষুষ্মতে শৃণ্বতে তে ব্রবীমি মা নঃ প্রজাং রীরিষো মোত বীরান্ ॥১॥

মৃত্যোঃ পদং যোপয়ন্তো যদৈত দ্রাঘীয় আয়ুঃ প্রতরং দধানাঃ ।
আপ্যায়মানাঃ প্রজয়া ধনেন শুদ্ধাঃ পূতা ভবত যজ্ঞিয়াসঃ ॥২॥

ইমে জীবা বি মৃতৈরাববৃত্রন্নভূদ্ভদ্রা দেবহূতির্নো অদ্য ।
প্রাঞ্চো অগাম নৃতয়ে হসায় দ্রাঘীয় আয়ুঃ প্রতরং দধানাঃ ॥৩॥

ইমং জীবেভ্যঃ পরিধিং দধামি মৈষাং নু গাদপরো অর্থমেতম্ ।
শতং জীবন্তু শরদঃ পুরূচীরন্তর্মৃত্যুং দধতাং পর্বতেন ॥৪॥

যথাহান্যনুপূর্বং ভবন্তি যথ ঋতব ঋতুভির্যন্তি সাধু ।
যথা ন পূর্বমপরো জহাত্যেবা ধাতরায়ূংষি কল্পয়ৈষাম্ ॥৫॥

আ রোহতায়ুর্জরসং বৃণানা অনুপূর্বং যতমানা যতি ষ্ঠ ।
ইহ ত্বষ্টা সুজনিমা সজোষা দীর্ঘমায়ুঃ করতি জীবসে বঃ ॥৬॥

ইমা নারীরবিধবাঃ সুপত্নীরাঞ্জনেন সর্পিষা সং বিশন্তু ।
অনশ্রবোঽনমীবাঃ সুরত্না আ রোহন্তু জনয়ো যোনিমগ্রে ॥৭॥

উদীর্ষ্ব নার্যভি জীবলোকং গতাসুমেতমুপ শেষ এহি ।
হস্তগ্রাভস্য দিধিষোস্তবেদং পত্যুর্জনিত্বমভি সং বভূথ ॥৮॥

ধনুর্হস্তাদাদদানো মৃতস্যাঽস্মে ক্ষত্রায় বর্চসে বলায় ।
অত্রৈব ত্বমিহ বয়ং সুবীরা বিশ্বাঃ স্পৃধো অভিমাতীর্জয়েম ॥৯॥

উপ সর্প মাতরং ভূমিমেতামুরুব্যচসং পৃথিবীং সুশেবাম্ ।
ঊর্ণম্রদা যুবতির্দক্ষিণাবত এষা ত্বা পাতু নিৠতেরুপস্থাৎ ॥১০॥

উচ্ছ্বঞ্চস্ব পৃথিবি মা নি বাধথাঃ সূপায়নাস্মৈ ভব সূপবঞ্চনা ।
মাতা পুত্রং যথা সিচাঽভ্যেনং ভূম ঊর্ণুহি ॥১১॥

উচ্ছ্বঞ্চমানা পৃথিবী সু তিষ্ঠতু সহস্রং মিত উপ হি শ্রয়ন্তাম্ ।
তে গৃহাসো ঘৃতশ্চুতো ভবন্তু বিশ্বাহাস্মৈ শরণাঃ সন্ত্বত্র ॥১২॥

উত্তে স্তভ্নামি পৃথিবীং ত্বত্পরীমং লোগং নিদধন্মো অহং রিষম্ ।
এতাং স্থূণাং পিতরো ধারয়ন্তু তেঽত্রা যমঃ সাদনা তে মিনোতু ॥১৩॥

প্রতীচীনে মামহনীষ্বাঃ পর্ণমিবা দধুঃ । প্রতীচীং জগ্রভা বাচমশ্বং রশনয়া যথা ॥১৪॥