সূক্ত 19

19.1

৮ মথিতো যামায়নঃ ভৃগুর্বারুণির্বা, ভার্গবশ্চ্যবনো বা। আপঃ গাবো বা, ১ উত্তরার্ধর্চস্য অগ্নীষোমৌ। অনুষ্টুপ্, ৬ গায়ত্রী ।

নি বর্তধ্বং মানু গাতাঽস্মান্ত্সিষক্ত রেবতীঃ । অগ্নীষোমা পুনর্বসূ অস্মে ধারয়তং রয়িম্ ॥১॥

19.2

পুনরেনা নি বর্তয় পুনরেনা ন্যা কুরু । ইন্দ্র এণা নি যচ্ছত্বগ্নিরেনা উপাজতু ॥২॥

19.3

পুনরেতা নি বর্তন্তামস্মিন্পুষ্যন্তু গোপতৌ । ইহৈবাগ্নে নি ধারয়েহ তিষ্ঠতু যা রয়িঃ ॥৩॥

19.4

যন্নিয়ানং ন্যয়নং সংজ্ঞানং যত্পরায়ণম্ । আবর্তনং নিবর্তনং যো গোপা অপি তং হুবে ॥৪॥

19.5

য উদানড্ব্যয়নং য উদানট্ পরায়ণম্ । আবর্তনং নিবর্তনমপি গোপা নি বর্ততাম্ ॥৫॥

19.6

আ নিবর্ত নি বর্তয় পুনর্ন ইন্দ্র গা দেহি । জীবাভির্ভুনজামহৈ ॥৬॥

19.7

পরি বো বিশ্বতো দধ ঊর্জা ঘৃতেন পয়সা । যে দেবাঃ কে চ যজ্ঞিয়াস্তে রয্যা সং সৃজন্তু নঃ ॥৭॥

19.8

আ নিবর্তন বর্তয় নি নিবর্তন বর্তয় । ভূম্যাশ্চতস্রঃ প্রদিশস্তাভ্য এনা নি বর্তয় ॥৮॥