সূক্ত 20

20.1

১০ ঐন্দ্রো বিমদঃ প্রাজাপত্যো বা, বাসুক্রো বসুকৃদ্বা। অগ্নিঃ। গায়ত্রী, ১ একপদা বিরাট্ (এষ মন্ত্রঃ শান্ত্যর্থঃ) ২অনুষ্টুপ্,৯ বিরাট্ ১০ ত্রিষ্টুপ্।

ভদ্রং নো অপি বাতয় মনঃ ॥১॥

20.2

অগ্নিমীলে ভুজাং যবিষ্ঠং শাসা মিত্রং দুর্ধরীতুম্ । যস্য ধর্মন্ত্স্ব১রেনীঃ সপর্যন্তি মাতুরূধঃ ॥২॥

20.3

যমাসা কৃপনীলং ভাসাকেতুং বর্ধয়ন্তি । ভ্রাজতে শ্রেণিদন্ ॥৩॥

20.4

অর্যো বিশাং গাতুরেতি প্র যদানড্দিবো অন্তান্ । কবিরভ্রং দীদ্যানঃ ॥৪॥

20.5

জুষদ্ধব্যা মানুষস্যোর্ধ্বস্তস্থাবৃভ্বা যজ্ঞে । মিন্বন্ত্সদ্ম পুর এতি ॥৫॥

20.6

স হি ক্ষেমো হবির্যজ্ঞঃ শ্রুষ্টীদস্য গাতুরেতি । অগ্নিং দেবা বাশীমন্তম্ ॥৬॥

20.7

যজ্ঞাসাহং দুব ইষেঽগ্নিং পূর্বস্য শেবস্য । অদ্রেঃ সূনুমায়ুমাহুঃ ॥৭॥

20.8

নরো যে কে চাস্মদা বিশ্বেত্তে বাম আ স্যুঃ । অগ্নিং হবিষা বর্ধন্তঃ ॥৮॥

20.9

কৃষ্ণঃ শ্বেতোঽরুষো যামো অস্য ব্রধ্ন ঋজ্র উত শোণো যশস্বান্ । হিরণ্যরূপং জনিতা জজান ॥৯॥

20.10

এবা তে অগ্নে বিমদো মনীষামূর্জো নপাদমৃতেভিঃ সজোষাঃ ।
গির আ বক্ষত্সুমতীরিয়ান ইষমূর্জং সুক্ষিতিং বিশ্বমাভাঃ ॥১০॥