সূক্ত 21

21.1

৮ ঐন্দ্রো বিমদঃ, প্রাজাপত্যো বা, বাসুক্রো বসুকৃদ্বা। অগ্নিঃ। আস্তারপংক্তিঃ।

আগ্নিং ন স্ববৃক্তিভির্হোতারং ত্বা বৃণীমহে ।
যজ্ঞায় স্তীর্ণবর্হিষে বি বো মদে শীরং পাবকশোচিষং বিবক্ষসে ॥১॥

21.2

ত্বামু তে স্বাভুবঃ শুম্ভন্ত্যশ্বরাধসঃ ।
বেতি ত্বামুপসেচনী বি বো মদ ঋজীতিরগ্ন আহুতির্বিবক্ষসে ॥২॥

21.3

ত্বে ধর্মাণ আসতে জুহূভিঃ সিঞ্চতীরিব ।
কৃষ্ণা রূপাণ্যর্জুনা বি বো মদে বিশ্বা অধি শ্রিয়ো ধিষে বিবক্ষসে ॥৩॥

21.4

যমগ্নে মন্যসে রয়িং সহসাবন্নমর্ত্য ।
তমা নো বাজসাতয়ে বি বো মদে যজ্ঞেষু চিত্রমা ভরা বিবক্ষসে ॥৪॥

21.5

অগ্নির্জাতো অথর্বণা বিদদ্বিশ্বানি কাব্যা ।
ভুবদ্দূতো বিবস্বতো বি বো মদে প্রিয়ো যমস্য কাম্যো বিবক্ষসে ॥৫॥

21.6

ত্বাং যজ্ঞেষ্বীলতেঽগ্নে প্রয়ত্যধ্বরে ।
ত্বং বসূনি কাম্যা বি বো মদে বিশ্বা দধাসি দাশুষে বিবক্ষসে ॥৬॥

21.7

ত্বাং যজ্ঞেষ্বৃত্বিজং চারুমগ্নে নি ষেদিরে ।
ঘৃতপ্রতীকং মনুষো বি বো মদে শুক্রং চেতিষ্ঠমক্ষভির্বিবক্ষসে ॥৭॥

21.8

অগ্নে শুক্রেণ শোচিষোরু প্রথয়সে বৃহৎ ।
অভিক্রন্দন্বৃষায়সে বি বো মদে গর্ভং দধাসি জামিষু বিবক্ষসে ॥৮॥