সূক্ত 150

150.1

৫ মৃলীকো বাসিষ্ঠঃ। অগ্নিঃ। বৃহতী, ৪-৫ উপরিষ্টাজ্জ্যোতিঃ, ৪ জগতী বা।

সমিদ্ধশ্চিত্সমিধ্যসে দেবেভ্যো হব্যবাহন । আদিত্যৈ রুদ্রৈর্বসুভির্ন আ গহি মৃলীকায় ন আ গহি ॥১॥

150.2

ইমং যজ্ঞমিদং বচো জুজুষাণ উপাগহি । মর্তাসস্ত্বা সমিধান হবামহে মৃলীকায় হবামহে ॥২॥

150.3

ত্বামু জাতবেদসং বিশ্ববারং গৃণে ধিয়া । অগ্নে দেবাঁ আ বহ নঃ প্রিয়ব্রতান্মৃলীকায় প্রিয়ব্রতান্ ॥৩॥

150.4

অগ্নির্দেবো দেবানামভবত্পুরোহিতোঽগ্নিং মনুষ্যা৩ ঋষয়ঃ সমীধিরে ।
অগ্নিং মহো ধনসাতাবহং হুবে মৃলীকং ধনসাতয়ে ॥৪॥

150.5

অগ্নিরত্রিং ভরদ্বাজং গবিষ্ঠিরং প্রাবন্নঃ কণ্বং ত্রসদস্যুমাহবে ।
অগ্নিং বসিষ্ঠো হবতে পুরোহিতো মৃলীকায় পুরোহিতঃ ॥৫॥