সূক্ত 149

149.1

৫ অর্চন্ হৈরণ্যস্তূপঃ। সবিতা। ত্রিষ্টুপ্।

সবিতা যন্ত্রৈঃ পৃথিবীমরম্ণাদস্কম্ভনে সবিতা দ্যামদৃংহৎ ।
অশ্বমিবাধুক্ষদ্ধুনিমন্তরিক্ষমতূর্তে বদ্ধং সবিতা সমুদ্রম্ ॥১॥

149.2

যত্রা সমুদ্রঃ স্কভিতো ব্যৌনদপাং নপাত্সবিতা তস্য বেদ ।
অতো ভূরত আ উত্থিতং রজোঽতো দ্যাবাপৃথিবী অপ্রথেতাম্ ॥২॥

149.3

পশ্চেদমন্যদভবদ্যজত্রমমর্ত্যস্য ভুবনস্য ভূনা ।
সুপর্ণো অঙ্গ সবিতুর্গরুত্মান্পূর্বো জাতঃ স উ অস্যানু ধর্ম ॥৩॥

149.4

গাব ইব গ্রামং যূয়ুধিরিবাশ্বান্বাশ্রেব বত্সং সুমনা দুহানা ।
পতিরিব জায়ামভি নো ন্যেতু ধর্তা দিবঃ সবিতা বিশ্ববারঃ ॥৪॥

149.5

হিরণ্যস্তূপঃ সবিতর্যথা ত্বাঽঽঙ্গিরসো জুহ্বে বাজে অস্মিন্ ।
এবা ত্বার্চন্নবসে বন্দমানঃ সোমস্যেবাংশুং প্রতি জাগরাহম্ ॥৫॥