সূক্ত 148

148.1

৫ পৃথুর্বৈন্যঃ। ইন্দ্রঃ। ত্রিষ্টুপ্।

সুষ্বাণাস ইন্দ্র স্তুমসি ত্বা সসবাংসশ্চ তুবিনৃম্ণ বাজম্ ।
আ নো ভর সুবিতং যস্য চাকন্ত্মনা তনা সনুয়াম ত্বোতাঃ ॥১॥

148.2

ঋষ্বস্ত্বমিন্দ্র শূর জাতো দাসীর্বিশঃ সূর্যেণ সহ্যাঃ ।
গুহা হিতং গুহ্যং গূল্হমপ্সু বিভৃমসি প্রস্রবণে ন সোমম্ ॥২॥

148.3

অর্যো বা গিরো অভ্যর্চ বিদ্বানৃষীণাং বিপ্রঃ সুমতিং চকানঃ ।
তে স্যাম যে রণয়ন্ত সোমৈরেনোত তুভ্যং রথোল্হ ভক্ষৈঃ ॥৩॥

148.4

ইমা ব্রহ্মেন্দ্র তুভ্যং শংসি দা নৃভ্যো নৃণাং শূর শবঃ ।
তেভির্ভব সক্রতুর্যেষু চাকন্নুত ত্রায়স্ব গৃণত উত স্তীন্ ॥৪॥

148.5

শ্রুধী হবমিন্দ্র শূর পৃথ্যা উত স্তবসে বেন্যস্যার্কৈঃ ।
আ যস্তে যোনিং ঘৃতবন্তমস্বারূর্মির্ন নিম্নৈর্দ্রবয়ন্ত বক্বাঃ ॥৫॥