সূক্ত 151

151.1

শ্রদ্ধা সূক্ত ৫ শ্রদ্ধা কামায়নী।শ্রধা । অনুষ্টুপ্।

শ্রদ্ধয়াগ্নিঃ সমিধ্যতে শ্রদ্ধয়া হূয়তে হবিঃ । শ্রদ্ধাং ভগস্য মূর্ধনি বচসা বেদয়ামসি ॥১॥

151.2

প্রিয়ং শ্রদ্ধে দদতঃ প্রিয়ং শ্রদ্ধে দিদাসতঃ । প্রিয়ং ভোজেষু যজ্বস্বিদং ম উদিতং কৃধি ॥২॥

151.3

যথা দেবা অসুরেষু শ্রদ্ধামুগ্রেষু চক্রিরে । এবং ভোজেষু যজ্বস্বস্মাকমুদিতং কৃধি ॥৩॥

151.4

শ্রদ্ধাং দেবা যজমানা বায়ুগোপা উপাসতে । শ্রদ্ধাং হৃদয্য১য়াকূত্যা শ্রদ্ধয়া বিন্দতে বসু ॥৪॥

151.5

শ্রদ্ধাং প্রাতর্হবামহে শ্রদ্ধাং মধ্যংদিনং পরি । শ্রদ্ধাং সূর্যস্য নিম্রুচি শ্রদ্ধে শ্রদ্ধাপয়েহ নঃ ॥৫॥