সূক্ত 152

152.1

৫ শাসো ভারদ্বাজঃ। ইন্দ্রঃ। অনুষ্টুপ্।

শাস ইত্থা মহাঁ অস্যমিত্রখাদো অদ্ভুতঃ । ন যস্য হন্যতে সখা ন জীয়তে কদা চন ॥১॥

152.2

স্বস্তিদা বিশস্পতির্বৃত্রহা বিমৃধো বশী । বৃষেন্দ্রঃ পুর এতু নঃ সোমপা অভয়ংকরঃ ॥২॥

152.3

বি রক্ষো বি মৃধো জহি বি বৃত্রস্য হনূ রুজ । বি মন্যুমিন্দ্র বৃত্রহন্নমিত্রস্যাভিদাসতঃ ॥৩॥

152.4

বি ন ইন্দ্র মৃধো জহি নীচা যচ্ছ পৃতন্যতঃ । যো অস্মাঁ অভিদাসত্যধরং গময়া তমঃ ॥৪॥

152.5

অপেন্দ্র দ্বিষতো মনোঽপ জিজ্যাসতো বধম্ । বি মন্যোঃ শর্ম যচ্ছ বরীয়ো যবয়া বধম্ ॥৫॥