Sukta 152

152.1

5 shaso bharadvajah, indrah, anushtup

शा॒स इ॒त्था म॒हाँ अ॑स्यमित्रखा॒दो अद्भु॑तः । न यस्य॑ ह॒न्यते॒ सखा॒ न जीय॑ते॒ कदा॑ च॒न ॥१॥

Shasa ittha maham asyamitrakhado adbhutah, na yasya hanyate sakha na jiyate kada chana

स्व॒स्ति॒दा वि॒शस्पति॑र्वृत्र॒हा वि॑मृ॒धो व॒शी । वृषेन्द्र॑ः पु॒र ए॑तु नः सोम॒पा अ॑भयंक॒रः ॥२॥

Svastida vishaspatirvritraha vimridho vashi, vrishendrah pura etu nah somapa abhayankarah

वि रक्षो॒ वि मृधो॑ जहि॒ वि वृ॒त्रस्य॒ हनू॑ रुज । वि म॒न्युमि॑न्द्र वृत्रहन्न॒मित्र॑स्याभि॒दास॑तः ॥३॥

Vi raksho vi mridho jahi vi vritrasya hanu ruja, vi manyumindra vritrahannamitrasyabhidasatah

वि न॑ इन्द्र॒ मृधो॑ जहि नी॒चा य॑च्छ पृतन्य॒तः । यो अ॒स्माँ अ॑भि॒दास॒त्यध॑रं गमया॒ तम॑ः ॥४॥

Vi na indra mridho jahi nicha yachchha pritanyatah, yo asmam abhidasatyadharam gamaya tamah

अपे॑न्द्र द्विष॒तो मनोऽप॒ जिज्या॑सतो व॒धम् । वि म॒न्योः शर्म॑ यच्छ॒ वरी॑यो यवया व॒धम् ॥५॥

Apendra dvishato manopa jijyasato vadham, vi manyoh sharma yachchha variyo yavaya vadham