সূক্ত 137

137.1

৭,১ ভরদ্বাজঃ, ২ কশ্যপঃ, ৩ গৌতমঃ, ৪ অত্রিঃ, ৫ বিশ্বামিত্রঃ, ৬ জমদগ্নিঃ, ৭ বসিষ্ঠঃ। বিশ্বেদেবাঃ। অনুষ্টুপ্।

উত দেবা অবহিতং দেবা উন্নয়থা পুনঃ । উতাগশ্চক্রুষং দেবা দেবা জীবয়থা পুনঃ ॥১॥

দ্বাবিমৌ বাতৌ বাত আ সিন্ধোরা পরাবতঃ । দক্ষং তে অন্য আ বাতু পরান্যো বাতু যদ্রপঃ ॥২॥

আ বাত বাহি ভেষজং বি বাত বাহি যদ্রপঃ । ত্বং হি বিশ্বভেষজো দেবানাং দূত ঈয়সে ॥৩॥

আ ত্বাগমং শংতাতিভিরথো অরিষ্টতাতিভিঃ । দক্ষং তে ভদ্রমাভার্ষং পরা যক্ষ্মং সুবামি তে ॥৪॥

ত্রায়ন্তামিহ দেবাস্ত্রায়তাং মরুতাং গণঃ । ত্রায়ন্তাং বিশ্বা ভূতানি যথায়মরপা অসৎ ॥৫॥

আপ ইদ্বা উ ভেষজীরাপো অমীবচাতনীঃ । আপঃ সর্বস্য ভেষজীস্তাস্তে কৃণ্বন্তু ভেষজম্ ॥৬॥

হস্তাভ্যাং দশশাখাভ্যাং জিহ্বা বাচঃ পুরোগবী । অনাময়িত্নুভ্যাং ত্বা তাভ্যাং ত্বোপ স্পৃশামসি ॥৭॥