সূক্ত 138

138.1

৬ অংগ ঔরবঃ।ইন্দ্রঃ। জগতী।

তব ত্য ইন্দ্র সখ্যেষু বহ্নয় ঋতং মন্বানা ব্যদর্দিরুর্বলম্ ।
যত্রা দশস্যন্নুষসো রিণন্নপঃ কুত্সায় মন্মন্নহ্যশ্চ দংসয়ঃ ॥১॥

অবাসৃজঃ প্রস্বঃ শ্বঞ্চয়ো গিরীনুদাজ উস্রা অপিবো মধু প্রিয়ম্ ।
অবর্ধয়ো বনিনো অস্য দংসসা শুশোচ সূর্য ঋতজাতয়া গিরা ॥২॥

বি সূর্যো মধ্যে অমুচদ্রথং দিবো বিদদ্দাসায় প্রতিমানমার্যঃ ।
দৃল্হানি পিপ্রোরসুরস্য মায়িন ইন্দ্রো ব্যাস্যচ্চকৃবাঁ ঋজিশ্বনা ॥৩॥

অনাধৃষ্টানি ধৃষিতো ব্যাস্যন্নিধীঁরদেবাঁ অমৃণদয়াস্যঃ ।
মাসেব সূর্যো বসু পুর্যমা দদে গৃণানঃ শত্রূঁরশৃণাদ্বিরুক্মতা ॥৪॥

অয়ুদ্ধসেনো বিভ্বা বিভিন্দতা দাশদ্বৃত্রহা তুজ্যানি তেজতে ।
ইন্দ্রস্য বজ্রাদবিভেদভিশ্নথঃ প্রাক্রামচ্ছুন্ধ্যূরজহাদুষা অনঃ ॥৫॥

এতা ত্যা তে শ্রুত্যানি কেবলা যদেক একমকৃণোরয়জ্ঞম্ ।
মাসাং বিধানমদধা অধি দ্যবি ত্বয়া বিভিন্নং ভরতি প্রধিং পিতা ॥৬॥