সূক্ত 136

136.1

১ জূতিঃ, ২ বাতজূতিঃ, ৩ বিপ্রজূতিঃ, ৪ বৃষাণকঃ, ৫ করিক্রতঃ, ৬ এতশঃ ৭ ঋষ্যশ্রৃংগঃ (এতে বাতরশনা মুনয়ঃ)। কেশিনঃ = অগ্নি-সূর্য-বায়বঃ। অনুষ্টুপ্।

কেশ্য১গ্নিং কেশী বিষং কেশী বিভর্তি রোদসী । কেশী বিশ্বং স্বর্দৃশে কেশীদং জ্যোতিরুচ্যতে ॥১॥

136.2

মুনয়ো বাতরশনাঃ পিশঙ্গা বসতে মলা । বাতস্যানু ধ্রাজিং যন্তি যদ্দেবাসো অবিক্ষত ॥২॥

136.3

উন্মদিতা মৌনেয়েন বাতাঁ আ তস্থিমা বয়ম্ । শরীরেদস্মাকং যূয়ং মর্তাসো অভি পশ্যথ ॥৩॥

136.4

অন্তরিক্ষেণ পততি বিশ্বা রূপাবচাকশৎ । মুনির্দেবস্যদেবস্য সৌকৃত্যায় সখা হিতঃ ॥৪॥

136.5

বাতস্যাশ্বো বায়োঃ সখাথো দেবেষিতো মুনিঃ । উভৌ সমুদ্রাবা ক্ষেতি যশ্চ পূর্ব উতাপরঃ ॥৫॥

136.6

অপ্সরসাং গন্ধর্বাণাং মৃগাণাং চরণে চরন্ । কেশী কেতস্য বিদ্বান্ত্সখা স্বাদুর্মদিন্তমঃ ॥৬॥

136.7

বায়ুরস্মা উপামন্থত্পিনষ্টি স্মা কুনন্নমা । কেশী বিষস্য পাত্রেণ যদ্রুদ্রেণাপিবত্সহ ॥৭॥