সূক্ত 133

133.1

৭ সুদাঃ পৈজবনঃ। ইন্দ্রঃ।শক্করী, ৪-৬ মহাপংক্তিঃ, ৭ ত্রিষ্টুপ্।

প্রো ষ্বস্মৈ পুরোরথমিন্দ্রায় শূষমর্চত ।
অভীকে চিদু লোককৃত্সংগে সমত্সু বৃত্রহাঽস্মাকং বোধি চোদিতা নভন্তামন্যকেষাং জ্যাকা অধি ধন্বসু ॥১॥

133.2

ত্বং সিন্ধূঁরবাসৃজোঽধরাচো অহন্নহিম্ ।
অশত্রুরিন্দ্র জজ্ঞিষে বিশ্বং পুষ্যসি বার্যং তং ত্বা পরি ষ্বজামহে নভন্তামন্যকেষাং জ্যাকা অধি ধন্বসু ॥২॥

133.3

বি ষু বিশ্বা অরাতয়োঽর্যো নশন্ত নো ধিয়ঃ ।
অস্তাসি শত্রবে বধং যো ন ইন্দ্র জিঘাংসতি যা তে রাতির্দদির্বসু নভন্তামন্যকেষাং জ্যাকা অধি ধন্বসু ॥৩॥

133.4

যো ন ইন্দ্রাভিতো জনো বৃকায়ুরাদিদেশতি ।
অধস্পদং তমীং কৃধি বিবাধো অসি সাসহির্নভন্তামন্যকেষাং জ্যাকা অধি ধন্বসু ॥৪॥

133.5

যো ন ইন্দ্রাভিদাসতি সনাভির্যশ্চ নিষ্ট্যঃ ।
অব তস্য বলং তির মহীব দ্যৌরধ ত্মনা নভন্তামন্যকেষাং জ্যাকা অধি ধন্বসু ॥৫॥

133.6

বয়মিন্দ্র ত্বায়বঃ সখিত্বমা রভামহে ।
ঋতস্য নঃ পথা নয়াঽতি বিশ্বানি দুরিতা নভন্তামন্যকেষাং জ্যাকা অধি ধন্বসু ॥৬॥

133.7

অস্মভ্যং সু ত্বমিন্দ্র তাং শিক্ষ যা দোহতে প্রতি বরং জরিত্রে ।
অচ্ছিদ্রোধ্নী পীপয়দ্যথা নঃ সহস্রধারা পয়সা মহী গৌঃ ॥৭॥